ചെന്നൈ: എഐഎഡിഎംകെ അധികാരത്തിൽ വന്നാൽ എം. കരുണാനിധിയുടെ മരണത്തെക്കുറിച്ച് വിശദമായ അന്വേഷണം നടത്തുമെന്ന് എടപ്പാടി കെ. പളനിസ്വാമി. പിതാവുമായുള്ള ബന്ധത്തെക്കുറിച്ച് സംസാരിക്കാൻ പളനിസ്വാമിക്ക് അവകാശമില്ലെന്ന മുഖ്യമന്ത്രി എം.കെ. സ്റ്റാലിന്റെ വിമർശനത്തിന് മറുപടി നൽകുകയായിരുന്നു അദ്ദേഹം.(An investigation will be conducted into Karunanidhi’s death, says Edappadi K. Palaniswami )
സ്റ്റാലിൻ സ്വന്തം പിതാവിനെ ഗൃഹബന്ധനത്തിലാക്കിയിരുന്നു എന്ന് ഡിഎംകെ നേതാവ് എ. രാജ പറയുന്ന ഓഡിയോ ക്ലിപ്പുകൾ സോഷ്യൽ മീഡിയയിൽ പ്രചരിച്ചിരുന്നു. കരുണാനിധിയുടെ അവസാന നാളുകളിലെ ആരോഗ്യസ്ഥിതിയെക്കുറിച്ച് ഇത് വലിയ സംശയങ്ങൾ ഉണ്ടാക്കുന്നുണ്ട്. ഇതിനെക്കുറിച്ച് വിശദമായ അന്വേഷണം നടത്തും, പളനിസ്വാമി പറഞ്ഞു.
എ. രാജ മാത്രമല്ല, കരുണാനിധിയുടെ മൂത്ത മകൻ എം.കെ. അഴഗിരിയും സ്റ്റാലിൻ പിതാവിനോട് മോശമായി പെരുമാറിയതിനെക്കുറിച്ച് സമാനമായ അഭിപ്രായങ്ങൾ പ്രകടിപ്പിച്ചിട്ടുണ്ടെന്ന് അദ്ദേഹം ചൂണ്ടിക്കാട്ടി. ഇക്കാര്യത്തിൽ സ്റ്റാലിൻ മറുപടി ചോദിക്കേണ്ടത് തന്നോടല്ല, അവർക്കെതിരെയാണെന്നും അദ്ദേഹം പരിഹസിച്ചു. 2021-ൽ അധികാരത്തിൽ വന്നയുടൻ ജയലളിതയുടെ മരണത്തെക്കുറിച്ച് അന്വേഷിക്കാൻ ജസ്റ്റിസ് അറുമുഖസ്വാമി കമ്മീഷനെ സ്റ്റാലിൻ നിയോഗിച്ചിരുന്നു. സമാനമായ രീതിയിൽ കരുണാനിധിയുടെ മരണത്തെക്കുറിച്ചും അന്വേഷണം പ്രഖ്യാപിക്കുമെന്നാണ് പളനിസ്വാമി പ്രഖ്യാപിച്ചിരിക്കുന്നത്. തിരുവണ്ണാമലൈയിലെ ആരണയിൽ തിരഞ്ഞെടുപ്പ് പ്രചാരണത്തിനിടെയായിരുന്നു അദ്ദേഹത്തിന്റെ ഈ പരാമർശം.
