കൊൽക്കത്ത: ഐപിഎൽ 2026-ൽ സൺറൈസേഴ്സ് ഹൈദരാബാദിനോട് ഏറ്റുവാങ്ങിയ കനത്ത തോൽവിക്ക് പിന്നാലെ കൊൽക്കത്ത നൈറ്റ് റൈഡേഴ്സിന് (KKR) കനത്ത മുന്നറിയിപ്പുമായി മുൻ ഇന്ത്യൻ താരം ആർ. അശ്വിൻ ( R Ashwin KKR Warning IPL). ഹൈദരാബാദിനെതിരായ മത്സരത്തിൽ കെകെആർ ബൗളർമാർ പൂർണ്ണമായും പരാജയപ്പെട്ട സാഹചര്യത്തിലാണ് അശ്വിന്റെ ഈ നിരീക്ഷണം. 226 റൺസ് വഴങ്ങിയ കെകെആറിന് മറുപടി ബാറ്റിംഗിൽ 161 റൺസ് എടുക്കാനേ സാധിച്ചുള്ളൂ. 65 റൺസിനായിരുന്നു ഹൈദരാബാദിന്റെ വിജയം.
കെകെആർ നിരയിൽ വിശ്വസിക്കാൻ കൊള്ളാവുന്ന ഒരൊറ്റ ബൗളർ പോലുമില്ലെന്ന് അശ്വിൻ തന്റെ യൂട്യൂബ് ചാനലിലൂടെ തുറന്നടിച്ചു. “ഈ സീസണിൽ കെകെആർ വലിയ പ്രതിസന്ധികൾ നേരിടാൻ പോകുകയാണ്. ബാറ്റിംഗിനെക്കാൾ ഉപരി, നാല് ഓവർ വിശ്വസിച്ച് ഏൽപ്പിക്കാൻ കഴിയുന്ന ഒരു ബൗളർ പോലും അവർക്കില്ല. സാധാരണ ടീമുകളിൽ ഒന്നോ രണ്ടോ ബൗളർമാർ മോശമായാലും ബാക്കിയുള്ളവർ അത് പരിഹരിക്കാറുണ്ട്. എന്നാൽ കെകെആറിന്റെ അവസ്ഥ അതല്ല,” അശ്വിൻ പറഞ്ഞു.
മിസ്റ്ററി സ്പിന്നർ വരുൺ ചക്രവർത്തിയുടെ ഫോമില്ലായ്മ കെകെആറിന് വലിയ തിരിച്ചടിയാണെന്നും അശ്വിൻ നിരീക്ഷിച്ചു. ഹൈദരാബാദിനെതിരെ വെറും രണ്ട് ഓവറിൽ 31 റൺസാണ് വരുൺ വിട്ടുകൊടുത്തത്. വരുൺ ഇപ്പോൾ സാങ്കേതികമായും മാനസികമായും വലിയ വെല്ലുവിളി നേരിടുകയാണെന്നും, നെറ്റ്സിൽ കൂടുതൽ കഠിനാധ്വാനം ചെയ്ത് ആത്മവിശ്വാസം വീണ്ടെടുക്കണമെന്നും അശ്വിൻ ഉപദേശിച്ചു. തുടർച്ചയായ രണ്ട് തോൽവികളോടെ കെകെആറിന്റെ സീസൺ ആശങ്കയിലായിരിക്കുകയാണ്.
Summary: Former Indian spinner R. Ashwin has issued a stern warning to Kolkata Knight Riders following their 65-run defeat against Sunrisers Hyderabad in IPL 2026. Ashwin criticized KKR’s bowling attack, stating that the team lacks even one reliable bowler who can consistently deliver four overs. He specifically pointed out Varun Chakravarthy’s poor form and low confidence, advising the spinner to work on his technical skills and hand speed in the nets to bounce back this season.
