കോഴിക്കോട്: പേരാമ്പ്രയിലെ തിരഞ്ഞെടുപ്പ് പ്രചാരണവുമായി ബന്ധപ്പെട്ട വിവാദ അനൗൺസ്മെന്റിൽ എൽ ഡി എഫ് സ്ഥാനാർത്ഥി ടി.പി. രാമകൃഷ്ണന് നോട്ടീസ്. യുഡിഎഫ് നൽകിയ പരാതിയുടെ അടിസ്ഥാനത്തിലാണ് നടപടി.(Announcement controversy in Perambra, Notice issued to LDF candidate TP Ramakrishnan)
മാതൃകാ പെരുമാറ്റച്ചട്ടത്തിന്റെ ചുമതലയുള്ള ഡെപ്യൂട്ടി കളക്ടർ വിശദീകരണം തേടി നോട്ടീസ് അയച്ചത്. പേരാമ്പ്രയിൽ ഇടതുമുന്നണി നടത്തിയ അനൗൺസ്മെന്റ് രീതി തിരഞ്ഞെടുപ്പ് പെരുമാറ്റച്ചട്ടത്തിന്റെ ലംഘനമാണെന്നാണ് യുഡിഎഫ് ഉന്നയിക്കുന്ന പ്രധാന ആരോപണം. അനൗൺസ്മെന്റിലെ ഉള്ളടക്കമോ ശൈലിയോ വോട്ടർമാരെ തെറ്റായ രീതിയിൽ സ്വാധീനിക്കുന്നതാണെന്ന പരാതി ഉയർന്നതോടെയാണ് സംഭവം വിവാദമായത്.
പരാതി ഗൗരവകരമാണെന്ന് കണ്ടതിനെത്തുടർന്നാണ് ഡെപ്യൂട്ടി കളക്ടർ സ്ഥാനാർത്ഥിയോട് ഔദ്യോഗികമായി വിശദീകരണം ആവശ്യപ്പെട്ടത്. തിരഞ്ഞെടുപ്പ് പ്രചാരണം അവസാന ഘട്ടത്തിലേക്ക് കടക്കവെ ഇത്തരമൊരു വിവാദം എൽഡിഎഫ് ക്യാമ്പിന് പ്രതിരോധത്തിലാക്കിയിട്ടുണ്ട്.
