ചെന്നൈ: നടി ജനനി അയ്യർ വിവാഹിതയായി. കഴിഞ്ഞ വർഷം ഏപ്രിലിൽ നടന്ന വിവാഹ നിശ്ചയത്തിന് പിന്നാലെയാണ് ജനനിയും സായിയും വിവാഹിതരായത് (Actress Janani Iyer Wedding). അടുത്ത സുഹൃത്തുക്കളും ബന്ധുക്കളും പങ്കെടുത്ത ചടങ്ങിൽ സിനിമാ രംഗത്തെ പ്രമുഖരും വധൂവരന്മാർക്ക് ആശംസകളുമായി എത്തി. പൈലറ്റായ സായി റോഷൻ ശ്യാം ജനനിയുടെ അടുത്ത സുഹൃത്ത് കൂടിയാണ്.
ബാല സംവിധാനം ചെയ്ത ‘അവൻ ഇവൻ’ എന്ന തമിഴ് ചിത്രത്തിലൂടെയാണ് ജനനി അഭിനയ രംഗത്തേക്ക് എത്തിയത്. ത്രീ ഡോട്ട്സ്, കൂതറ, സെവൻത് ഡേ, ഇത് താൻഡാ പോലീസ്, മാ ചു ക തുടങ്ങിയ ചിത്രങ്ങളിലൂടെ മലയാളികൾക്കും താരം പ്രിയങ്കരിയായി.അശോക് സെൽവനും ജനനിയും ഒന്നിച്ച ‘തെഗിഡി’ എന്ന ചിത്രത്തിലെ പ്രകടനം ഏറെ പ്രശംസ പിടിച്ചുപറ്റിയിരുന്നു. ഇതിലെ ‘വിൺമീൻ വിതയിൽ’ എന്ന ഗാനം ഇന്നും ഹിറ്റാണ്.
സിനിമയിൽ എത്തുന്നതിന് മുൻപ് 150-ലധികം പരസ്യചിത്രങ്ങളിൽ ജനനി അഭിനയിച്ചിട്ടുണ്ട്. കൂടാതെ ബിഗ് ബോസ് തമിഴ് സീസൺ 2-ലെ തേർഡ് റണ്ണറപ്പും കൂടിയായിരുന്നു താരം. സണ്ണി വെയ്ൻ, ഐശ്വര്യ രാജേഷ്, ഗായത്രി ശങ്കർ തുടങ്ങിയ നിരവധി താരങ്ങൾ ജനനിക്കും സായിക്കും വിവാഹാശംസകൾ നേർന്നു.
Short Story Summary:
Popular Malayalam and Tamil actress Janani Iyer has tied the knot with her longtime friend and pilot, Sai Roshan Shyam. The couple, who got engaged in April last year, shared their wedding photos on social media with the caption “Officially Mr. and Mrs.” Known for her roles in films like ‘Avan Ivan’, ‘Thegidi’, and Malayalam movies like ‘7th Day’ and ‘Koothara’, Janani’s wedding was graced by close friends and family, with stars like Sunny Wayne and Aishwarya Rajesh sending their wishes.
