ബെംഗളൂരു: ചിലവേറിയ നഗരമെന്ന് പേരുള്ള ബെംഗളൂരുവിൽ വെറും 18,000 രൂപയ്ക്ക് എങ്ങനെ ജീവിക്കാമെന്ന് കാട്ടിത്തരികയാണ് എമി അറോറ എന്ന 22-കാരി (Living in Bangalore for 18000). ബെംഗളൂരുവിൽ എസ്.ഡി.ഇ ഇന്റേൺ ആയി ജോലി ചെയ്യുന്ന എമി തന്റെ പ്രതിമാസ ചിലവുകൾ വിശദീകരിക്കുന്ന വീഡിയോ സോഷ്യൽ മീഡിയയിൽ വൈറലായിക്കഴിഞ്ഞു. കൃത്യമായ പ്ലാനിംഗ് ഉണ്ടെങ്കിൽ വലിയ ചിലവില്ലാതെ നഗരത്തിൽ പിടിച്ചുനിൽക്കാമെന്നാണ് ഈ യുവതി പറയുന്നത്.
എമിയുടെ ബജറ്റിലെ പ്രധാന ചിലവുകൾ താഴെ പറയുന്നവയാണ്:
താമസം: പിജി സൗകര്യം ഉപയോഗിക്കുന്നതിലൂടെ വാടക ഇനത്തിൽ 7,200 രൂപ മാത്രമാണ് ചിലവാകുന്നത്. ഫ്ലാറ്റുകൾ ഒഴിവാക്കി പിജി തിരഞ്ഞെടുത്തത് വലിയ ലാഭമുണ്ടാക്കി.
ഭക്ഷണം: മെസ് സൗകര്യം ഉപയോഗിക്കുന്നതിലൂടെ ഭക്ഷണത്തിനായി
പ്രതിമാസം 3,600 രൂപ മതിയാകും. പുറത്തുനിന്നുള്ള ഭക്ഷണം പരമാവധി കുറച്ചു.
യാത്ര: ആഴ്ചയിൽ രണ്ട് ദിവസം മാത്രം ഓഫീസിൽ പോയാൽ മതിയെന്നതിനാൽ യാത്രാചിലവ് 1,600 രൂപയിൽ ഒതുങ്ങുന്നു.
വിനോദവും ഷോപ്പിംഗും: പുറത്തുനിന്നുള്ള ഭക്ഷണത്തിനായി 2,000 രൂപയും ഓൺലൈൻ ഷോപ്പിംഗിനായി 2,000 രൂപയും എമി മാറ്റിവെക്കുന്നു. മറ്റ് ചെറിയ ആവശ്യങ്ങൾക്കായി 1,500 രൂപയും താരം കണ്ടെത്തുന്നുണ്ട്.
സുഹൃത്തുക്കൾക്കൊപ്പം ചേർന്ന് പിസ്സ ഉണ്ടാക്കുന്നതും മറ്റും വിനോദത്തിന്റെ ഭാഗമാക്കുന്നതിലൂടെ അനാവശ്യ ചിലവുകൾ ഒഴിവാക്കാമെന്നും എമി പറയുന്നു. വീഡിയോ വൈറലായതോടെ നിരവധി പേരാണ് അനുകൂലിച്ചും അത്ഭുതപ്പെട്ടും രംഗത്തെത്തിയത്. ഇത്ര കുറഞ്ഞ ചിലവിൽ ബെംഗളൂരുവിൽ ജീവിക്കാൻ കഴിയുന്നത് വിശ്വസിക്കാനാവുന്നില്ലെന്നാണ് പലരുടെയും കമന്റ്. യുവ പ്രൊഫഷണലുകൾക്ക് വലിയൊരു പാഠമാണ് എമിയുടെ ഈ ബജറ്റ് പ്ലാൻ.
View this post on Instagram
