പട്ന: നിതീഷ് കുമാർ ലെജിസ്ലേറ്റീവ് കൗൺസിൽ അംഗത്വം രാജിവെച്ചു. ഈ മാസം ആദ്യം നടന്ന തിരഞ്ഞെടുപ്പിൽ അദ്ദേഹം പാർലമെന്റിന്റെ ഉപരിസഭയായ രാജ്യസഭയിലേക്ക് തിരഞ്ഞെടുക്കപ്പെട്ടിരുന്നു.(Bihar CM Nitish Kumar resigns from state assembly, crucial move )
മാർച്ച് 16-നാണ് നിതീഷ് കുമാർ രാജ്യസഭയിലേക്ക് തിരഞ്ഞെടുക്കപ്പെട്ടത്. രാജ്യസഭാംഗമായി തിരഞ്ഞെടുക്കപ്പെട്ടാൽ 14 ദിവസത്തിനുള്ളിൽ നിലവിലുള്ള എംഎൽസി സ്ഥാനം രാജിവെക്കണമെന്നാണ് ഭരണഘടനാപരമായ ചട്ടം. ഈ കാലാവധി തിങ്കളാഴ്ച അവസാനിക്കാനിരിക്കെയാണ് അദ്ദേഹം രാജി സമർപ്പിച്ചത്.
ഞായറാഴ്ച നിതീഷ് കുമാറുമായി കൂടിക്കാഴ്ച നടത്തിയ ജെഡി(യു) നേതാവും എംഎൽഎയുമായ അനന്ത് കുമാർ സിംഗാണ് മുഖ്യമന്ത്രി തിങ്കളാഴ്ച രാജി സമർപ്പിക്കുമെന്ന് മാധ്യമങ്ങളെ അറിയിച്ചത്. രാജ്യസഭയിലേക്ക് പോകുന്നതോടെ ബിഹാറിൽ പുതിയ മാറ്റങ്ങൾക്കാണ് തുടക്കം കുറിക്കുന്നത്.
