തിരുവനന്തപുരം: നിയമസഭാ തിരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കെ കേരളത്തിൽ വോട്ട് തേടി ദേശീയ നേതാക്കളുടെ വൻ നിരയെത്തുന്നു (Rahul Gandhi Kerala Visit). സോണിയ ഗാന്ധിയുടെ ആരോഗ്യപ്രശ്നങ്ങൾ മൂലം മാറ്റിവെച്ച രാഹുൽ ഗാന്ധിയുടെ സന്ദർശനം തിങ്കളാഴ്ച നടക്കും. കോട്ടയം, പത്തനംതിട്ട ജില്ലകളിലാണ് രാഹുൽ ഗാന്ധി യുഡിഎഫ് സ്ഥാനാർത്ഥികൾക്കായി വോട്ട് തേടുക.
യുഡിഎഫ് (കോൺഗ്രസ്)
തിങ്കളാഴ്ച രാഹുൽ ഗാന്ധി എത്തുന്നതിന് പുറമെ പ്രിയങ്ക ഗാന്ധി എംപിയും വരും ദിവസങ്ങളിൽ പ്രചാരണത്തിൽ പങ്കുചേരും. നേരത്തെ രാഹുലിന് വരാൻ കഴിയാത്ത സാഹചര്യത്തിൽ ദേശീയ അധ്യക്ഷൻ മല്ലികാർജുൻ ഖാർഗെ കോഴിക്കോട് എത്തിയിരുന്നു.
എൻഡിഎ (ബിജെപി)
പ്രധാനമന്ത്രി നരേന്ദ്ര മോദി വീണ്ടും കേരളത്തിലെത്തുന്നുണ്ട്. ഇത്തവണ പാലായിലും തിരുവനന്തപുരത്തുമാണ് മോദിയുടെ തിരഞ്ഞെടുപ്പ് പരിപാടികൾ. മാർച്ച് 31-ന് തിരുവനന്തപുരം ജില്ലയിലെ വിവിധ പരിപാടികളിൽ കേന്ദ്ര ആഭ്യന്തര മന്ത്രി പങ്കെടുക്കും. ബിജെപി ദേശീയ അധ്യക്ഷൻ നിതിൻ നവീൻ, കേന്ദ്രമന്ത്രിമാരായ നിതിൻ ഗഡ്കരി, രാജ്നാഥ് സിംഗ്, എസ്. ജയശങ്കർ എന്നിവരും കേരളത്തിലെത്തും. ഡൽഹി മുഖ്യമന്ത്രി രേഖ ഗുപ്ത, മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് എന്നിവരും ബിജെപിക്ക് വേണ്ടി വോട്ട് തേടും.
പാലക്കാടും തൃശൂരും പ്രധാനമന്ത്രി നടത്തിയ റോഡ് ഷോകൾക്ക് പിന്നാലെ രാഹുൽ ഗാന്ധി എത്തുന്നതോടെ തെക്കൻ കേരളത്തിൽ പ്രചാരണം ശക്തമാകും. ഇടുക്കി, കോട്ടയം മേഖലകളിൽ കെ.സി. വേണുഗോപാൽ ഉൾപ്പെടെയുള്ളവർ നടത്തുന്ന പ്രചാരണത്തിന് രാഹുലിന്റെ വരവ് കൂടുതൽ കരുത്ത് പകരുമെന്നാണ് കോൺഗ്രസ് കണക്കുകൂട്ടുന്നത്. ശബരിമല വിഷയം ഉൾപ്പെടെയുള്ളവ സജീവമായി നിൽക്കുന്ന പത്തനംതിട്ടയിൽ രാഹുൽ ഗാന്ധി എന്ത് പറയുമെന്നാണ് രാഷ്ട്രീയ കേരളം ഉറ്റുനോക്കുന്നത്.
Short Story Summary:
Rahul Gandhi is set to visit Kerala on Monday to campaign for UDF candidates in Kottayam and Pathanamthitta. His previous visit, scheduled for March 25, was canceled due to Sonia Gandhi’s ill health. On the other side, the BJP is bringing in its heavyweights, including PM Modi (Pala & TVM) and Amit Shah (March 31 in TVM). Other top leaders like Nitin Gadkari, Rajnath Singh, and S. Jaishankar will also join the high-octane campaign.
