പ്രീ വിഹിയർ പ്രവിശ്യ: കംബോഡിയയും തായ്ലൻഡും തമ്മിലുള്ള അതിർത്തി തർക്കത്തെത്തുടർന്നുണ്ടായ രൂക്ഷമായ പോരാട്ടത്തിൽ ആയിരം വർഷം പഴക്കമുള്ള പ്രീ വിഹിയർ ക്ഷേത്രത്തിന് ഗുരുതരമായ നാശനഷ്ടങ്ങൾ സംഭവിച്ചു (Preah Vihear Temple Damage). ഡാങ്റെക് പർവതനിരയിലെ 525 മീറ്റർ ഉയരമുള്ള ചെങ്കുത്തായ മലമുകളിൽ സ്ഥിതി ചെയ്യുന്ന ഈ 11-ാം നൂറ്റാണ്ടിലെ ഹൈന്ദവ ക്ഷേത്രം യുനെസ്കോയുടെ പൈതൃക പട്ടികയിൽ ഉൾപ്പെട്ടതാണ്.
അതിർത്തിയിൽ വെടിനിർത്തൽ പ്രഖ്യാപിച്ചിട്ട് മൂന്ന് മാസമായെങ്കിലും, യുദ്ധം അവശേഷിപ്പിച്ച മുറിപ്പാടുകൾ ക്ഷേത്രത്തിന്റെ ചുവരുകളിലും തൂണുകളിലും ഇപ്പോഴും പ്രകടമാണ്. ക്ഷേത്രത്തിന് സമീപമുള്ള ബുദ്ധ പഗോഡയും ആക്രമണത്തിൽ തകർന്നിട്ടുണ്ട്. നിലവിൽ കംബോഡിയൻ മൈൻ ആക്ഷൻ സെന്ററിലെ (CMAC) ഉദ്യോഗസ്ഥർ മേഖലയിൽ പരിശോധന നടത്തുകയും കുഴിബോംബുകളും മറ്റും നീക്കം ചെയ്ത് പ്രദേശം സുരക്ഷിതമാക്കാനുള്ള ശ്രമങ്ങൾ തുടരുകയും ചെയ്യുന്നു. ശനിയാഴ്ച മാധ്യമപ്രവർത്തകർ ക്ഷേത്രം സന്ദർശിച്ചപ്പോഴാണ് യുദ്ധം വരുത്തിവെച്ച നാശനഷ്ടങ്ങളുടെ വ്യാപ്തി പുറംലോകമറിഞ്ഞത്.
വർഷങ്ങളായി ഈ ക്ഷേത്രത്തിന്റെ ഉടമസ്ഥാവകാശത്തെച്ചൊല്ലി ഇരുരാജ്യങ്ങളും തമ്മിൽ തർക്കം നിലനിൽക്കുന്നുണ്ട്. യുദ്ധത്തെത്തുടർന്ന് വിനോദസഞ്ചാരികൾക്ക് പ്രവേശനം നിരോധിച്ചിരുന്ന ഇവിടെ ഇപ്പോൾ സുരക്ഷാ പരിശോധനകൾക്ക് ശേഷം നിയന്ത്രണങ്ങളോടെ പ്രവേശനം അനുവദിക്കുന്നുണ്ട്.
Summary
The 1,000-year-old Preah Vihear temple, an 11th-century Hindu site located on the Cambodia-Thailand border, has suffered significant damage due to recent military clashes. Despite a ceasefire being in place for three months, scars of the conflict remain visible on the ancient structure and nearby Buddhist pagodas.
