അജ്മീർ: രാജസ്ഥാനിലെ അജ്മീറിൽ 13.06 ലക്ഷം രൂപയുടെ കള്ളനോട്ടുകളുമായി യുവാവിനെ പൊലീസ് അറസ്റ്റ് ചെയ്തു. അജ്മീർ ദർഗ പരിസരത്ത് കുറ്റകൃത്യങ്ങൾ തടയുന്നതിനായി രൂപീകരിച്ച പ്രത്യേക പൊലീസ് സംഘമാണ് പ്രതിയെ വലയിലാക്കിയത്. വിക്രം എന്നയാളാണ് പിടിയിലായതെന്ന് ദർഗ പൊലീസ് സ്റ്റേഷൻ ഹൗസ് ഓഫീസർ ദിനേഷ് ജിവാനി അറിയിച്ചു.(Ajmer fake currency arrest, Police Seize Fake Indian Currency Worth Lakhs In Raids)
പ്രതിയിൽ നിന്ന് 500 രൂപയുടെ വ്യാജ കറൻസി നോട്ടുകളാണ് പൊലീസ് പിടിച്ചെടുത്തത്. ഇയാളെ കോടതിയിൽ ഹാജരാക്കി ഒരു ദിവസത്തെ പൊലീസ് കസ്റ്റഡിയിൽ വിട്ടു. മുൻപ് വിവാഹ ആസൂത്രണ രംഗത്ത് ജോലി ചെയ്തിരുന്ന വിക്രം, പുലർച്ചെ ദർഗ പരിസരത്ത് വച്ച് കള്ളനോട്ടുകൾ വിപണിയിൽ ഇറക്കാൻ ശ്രമിക്കുന്നതിനിടെയാണ് പിടിയിലായത്. വ്യാജനോട്ടുകളുടെ ഉറവിടം കണ്ടെത്താനും ഇതിന് പിന്നിലെ വലിയ ശൃംഖലയെ തകർക്കാനുമുള്ള അന്വേഷണം ഊർജ്ജിതമാക്കിയതായി പൊലീസ് വ്യക്തമാക്കി.
Story Summary
A man named Vikram was arrested in the Dargah area of Ajmer, Rajasthan, with counterfeit ₹500 notes totaling a face value of ₹13.06 lakh. In a separate counter-intelligence operation, the Guwahati Police in Assam also seized fake currency worth ₹13.5 lakh and arrested five individuals involved in a similar cheating racket.
