മോസ്കോ/ന്യൂഡൽഹി: ചൈന ലക്ഷ്യമാക്കി പുറപ്പെട്ട റഷ്യൻ എണ്ണ ടാങ്കർ പകുതിവഴിയിൽ നിന്ന് ഇന്ത്യയിലേക്ക് തിരിച്ചതായി റിപ്പോർട്ട് (Russian oil tanker Aqua Titan India). പശ്ചിമേഷ്യൻ സംഘർഷത്തെത്തുടർന്ന് ഇന്ത്യയിൽ ഇന്ധനക്ഷാമം രൂക്ഷമായ സാഹചര്യത്തിലാണ് റഷ്യയിൽ നിന്നുള്ള ഈ അടിയന്തര നീക്കം. ‘ദി അക്വ ടൈറ്റൻ’ (The Aqua Titan) എന്ന റഷ്യൻ കപ്പലാണ് ഇന്ത്യൻ തുറമുഖം ലക്ഷ്യമാക്കി വരുന്നത്.
ജനുവരിയിൽ ബാൾട്ടിക് തുറമുഖത്ത് നിന്ന് യാത്ര തിരിച്ച കപ്പൽ മാർച്ച് പകുതിയോടെ ചൈനയിലെ റിസാവോ (Rizhao) തീരത്ത് എത്താനാണ് നിശ്ചയിച്ചിരുന്നത്. എന്നാൽ പുതിയ സാഹചര്യത്തിൽ കപ്പൽ ഇന്ത്യയിലേക്ക് തിരിച്ചുവിടുകയായിരുന്നു. മാർച്ച് 21-ന് കപ്പൽ ന്യൂ മംഗളൂർ തീരത്ത് നങ്കൂരമിടുമെന്നാണ് ഔദ്യോഗിക വിവരം.
ഏകദേശം 30 മില്യൺ ബാരൽ എണ്ണയാണ് ഇന്ത്യ റഷ്യയിൽ നിന്ന് വാങ്ങുന്നത്. റഷ്യയിൽ നിന്നുള്ള ഇന്ധന ഇറക്കുമതി ഇരട്ടിയാക്കുന്നതിന്റെ ഭാഗമാണിത്. പശ്ചിമേഷ്യയിൽ ഇസ്രയേൽ-ഇറാൻ സംഘർഷം കടുക്കുകയും ഇറാന്റെ ഊർജ്ജ കേന്ദ്രങ്ങൾക്ക് നേരെ ആക്രമണം ഉണ്ടാവുകയും ചെയ്തതോടെ ഇന്ത്യയുടെ പരമ്പരാഗത ഇന്ധന സ്രോതസ്സുകൾ തടസ്സപ്പെട്ടിരുന്നു. ഈ പ്രതിസന്ധി മറികടക്കാൻ റഷ്യൻ എണ്ണ വാങ്ങുന്നതിന് യു.എസ് (US) അനുമതി നൽകിയതും കപ്പൽ ഇന്ത്യയിലേക്ക് തിരിച്ചുവിടാൻ കാരണമായി. നിലവിലെ സാഹചര്യത്തിൽ ഊർജ്ജ ആവശ്യങ്ങൾക്കായി റഷ്യയെ കൂടുതൽ ആശ്രയിക്കേണ്ട അവസ്ഥയിലാണ് ഇന്ത്യ.
Story Summary:
The Russian oil tanker ‘The Aqua Titan,’ originally bound for China’s Rizhao coast, has been redirected to India. The vessel, which departed from a Baltic port in January, is now expected to dock at New Mangalore port on March 21. This move comes as India doubles its fuel imports from Russia to combat a severe fuel shortage caused by the escalating West Asia conflict. The redirection follows US approval for India to purchase Russian oil amidst regional instability.
