കൊച്ചി: ലോകത്തിലെ ഏറ്റവും വലിയ റെസ്പോൺസിബിൾ ജ്വല്ലറി ഗ്രൂപ്പായ മലബാർ ഗോൾഡ് & ഡയമണ്ട്സ് ഇന്ത്യയിൽ വമ്പൻ വിപുലീകരണത്തിനൊരുങ്ങുന്നു (Malabar Gold 20 new showrooms). വെറും 20 ദിവസത്തിനുള്ളിൽ രാജ്യത്തിന്റെ വിവിധ ഭാഗങ്ങളിലായി 20 പുതിയ ഷോറൂമുകൾ ആരംഭിക്കാനാണ് ഗ്രൂപ്പിന്റെ തീരുമാനം. 1580 കോടി രൂപയുടെ നിക്ഷേപമാണ് ഈ പദ്ധതിക്കായി വിനിയോഗിക്കുന്നത്.
ഈ വിപുലീകരണത്തിലൂടെ ഇന്ത്യയിലുടനീളം 725-ലധികം പുതിയ തൊഴിലവസരങ്ങൾ സൃഷ്ടിക്കപ്പെടും.പുതിയ ഷോറൂമുകൾ കൂടി വരുന്നതോടെ 14 രാജ്യങ്ങളിലായി മലബാർ ഗോൾഡിന്റെ ആകെ ഔട്ട്ലെറ്റുകളുടെ എണ്ണം 445 ആയി ഉയരും.
ഉത്തർപ്രദേശിലെ ഝാൻസി, അലിഗഡ്, പശ്ചിമ ബംഗാളിലെ കൊൽക്കത്ത, തമിഴ്നാട്ടിലെ തേനി, ഗുജറാത്തിലെ ജാംനഗർ, കർണാടകയിലെ ഹുബ്ലി, തെലങ്കാനയിലെ ഹൈദരാബാദ് (ജൂബിലി ഹിൽസ്), അസമിലെ ഗുവാഹത്തി തുടങ്ങി 22 സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും പ്രധാന നഗരങ്ങളിലാണ് പുതിയ ഷോറൂമുകൾ തുറക്കുന്നത്.
ഇന്ത്യയുടെ ദീർഘകാല വളർച്ചാ സാധ്യതകളിലുള്ള വിശ്വാസമാണ് ഈ വേഗത്തിലുള്ള വിപുലീകരണത്തിന് പിന്നിലെന്ന് മലബാർ ഗ്രൂപ്പ് ചെയർമാൻ എം.പി. അഹമ്മദ് പറഞ്ഞു. ലോകോത്തര നിലവാരത്തിലുള്ള ആഭരണ ശേഖരവും ഷോപ്പിംഗ് അനുഭവവും കൂടുതൽ ആളുകളിലേക്ക് എത്തിക്കുക എന്നതാണ് ഇതിലൂടെ ലക്ഷ്യമിടുന്നതെന്നും അദ്ദേഹം വ്യക്തമാക്കി.
ലാഭത്തിനപ്പുറം സാമൂഹിക സേവനത്തിനും മുൻഗണന നൽകുന്ന മലബാർ ഗ്രൂപ്പ്, തങ്ങളുടെ വാർഷിക ലാഭത്തിന്റെ 5 ശതമാനം സി.എസ്.ആർ (CSR) പ്രവർത്തനങ്ങൾക്കായി മാറ്റിവെക്കുന്നു. വിശപ്പ് രഹിത ലോകം, സ്ത്രീ ശാക്തീകരണം, വിദ്യാഭ്യാസം, പരിസ്ഥിതി സംരക്ഷണം എന്നീ മേഖലകളിലാണ് ഗ്രൂപ്പ് പ്രധാനമായും ശ്രദ്ധ കേന്ദ്രീകരിക്കുന്നത്.
Story Summary
Malabar Gold & Diamonds has announced a massive expansion plan in India, aiming to open 20 showrooms within just 20 days. With an investment of ₹1,580 crore, this move will create over 725 new jobs and increase the brand’s global footprint to 445 showrooms across 14 countries. Chairman M.P. Ahammed highlighted that this rapid growth reflects confidence in India’s long-term economic potential. The group continues its commitment to ESG by allocating 5% of its annual profit to CSR activities including hunger relief and women’s empowerment.
