കൊച്ചി: ഉപരിപഠനത്തിന് തയ്യാറെടുക്കുന്ന വിദ്യാർത്ഥികൾക്കായി ജെയിൻ യൂണിവേഴ്സിറ്റി കൊച്ചി ക്യാമ്പസ് സൗജന്യ റസിഡൻഷ്യൽ ഫിനിഷിംഗ് സ്കൂൾ പ്രോഗ്രാം സംഘടിപ്പിക്കുന്നു (Jain University Kochi summer school 2026). ‘ജെയിൻ യൂണിവേഴ്സിറ്റി സമ്മർ സ്കൂൾ – 2026’ ഏപ്രിൽ, മെയ് മാസങ്ങളിലായാണ് നടക്കുക. കഴിഞ്ഞ വർഷത്തെ മികച്ച വിജയത്തിന് പിന്നാലെയാണ് പ്രോഗ്രാമിന്റെ രണ്ടാം പതിപ്പ് ഒരുങ്ങുന്നത്.
പ്രവേശനവും അപേക്ഷാ രീതിയും:
പത്താം ക്ലാസ്, പ്ലസ് ടു പരീക്ഷകൾ പൂർത്തിയാക്കിയ വിദ്യാർത്ഥികൾക്ക് അപേക്ഷിക്കാം.
ആകെ 60 സീറ്റുകൾ. പത്താം ക്ലാസ് കഴിഞ്ഞവർക്ക് 30 സീറ്റുകളും പ്ലസ് ടു കഴിഞ്ഞവർക്ക് 30 സീറ്റുകളുമാണ് അനുവദിച്ചിട്ടുള്ളത്.
താല്പര്യമുള്ളവർ jainuniversitykochi.com/summer-school-2026/ എന്ന വെബ്സൈറ്റ് വഴി ഏപ്രിൽ 14-നകം അപേക്ഷിക്കണം. അപേക്ഷയോടൊപ്പം ഒരു മിനിറ്റ് ദൈർഘ്യമുള്ള വീഡിയോ കൂടി സമർപ്പിക്കേണ്ടതുണ്ട്.
തിരഞ്ഞെടുക്കപ്പെടുന്ന വിദ്യാർത്ഥികളുടെ താമസം, ഭക്ഷണം, പഠന ക്ലാസുകൾ, യാത്രകൾ എന്നിവയുടെ മുഴുവൻ ചെലവും യൂണിവേഴ്സിറ്റിയാണ് വഹിക്കുന്നത്.
പരമ്പരാഗത പഠനരീതികളിൽ നിന്ന് മാറി പ്രായോഗിക നൈപുണ്യങ്ങൾക്കും വ്യക്തിത്വ വികസനത്തിനുമാണ് സമ്മർ സ്കൂൾ മുൻഗണന നൽകുന്നത്.വിമർശനാത്മക ചിന്ത, ആശയവിനിമയ ശേഷി, നേതൃപാടവം, ഡിജിറ്റൽ അവബോധം എന്നിവയിൽ വിദഗ്ധർ ക്ലാസുകൾ നയിക്കും.താല്പര്യമുള്ള അക്കാദമിക് വിഷയങ്ങളെക്കുറിച്ച് ആഴത്തിൽ മനസ്സിലാക്കാനും മികച്ച കരിയർ തിരഞ്ഞെടുക്കാനുള്ള പരിശീലനവും ലഭിക്കും.
കൊച്ചി വാട്ടർ മെട്രോ സന്ദർശനം, ഇക്കോ-ടൂറിസം വില്ലേജ് സന്ദർശനം, വൃദ്ധസദന സന്ദർശനം എന്നിവയിലൂടെ സാമൂഹിക ഉത്തരവാദിത്തവും ആധുനിക വികസന കാഴ്ചപ്പാടുകളും വിദ്യാർത്ഥികൾക്ക് നേരിട്ട് മനസ്സിലാക്കാം.
മാറുന്ന ലോകത്തിന് ആവശ്യമായ പ്രായോഗിക നൈപുണ്യങ്ങൾ വിദ്യാർത്ഥികളിൽ വളർത്തിയെടുക്കുകയാണ് സമ്മർ സ്കൂളിന്റെ ലക്ഷ്യമെന്ന് ജെയിൻ യൂണിവേഴ്സിറ്റി ഡയറക്ടർ ഡോ. ടോം ജോസഫ് പറഞ്ഞു. കൂടുതൽ വിവരങ്ങൾക്ക് +91 7034052828 എന്ന നമ്പറിൽ ബന്ധപ്പെടാവുന്നതാണ്.
Story Summary
Jain University Kochi is inviting applications for its free residential finishing school program, “Jain University Summer School – 2026,” for students who have completed 10th and 12th grades. A total of 60 seats (30 each) are available. The program focuses on soft skills, leadership, and career guidance through expert sessions and field visits to projects like the Kochi Water Metro. The university covers all expenses, including food and accommodation. The deadline to apply is April 14, 2026.
