ടെഹ്റാൻ: പശ്ചിമേഷ്യയിൽ യുഎസ്-ഇസ്രയേൽ-ഇറാൻ സൈനിക ഏറ്റുമുട്ടൽ രൂക്ഷമാകുന്നതിനിടെ, ഹോർമുസ് കടലിടുക്കിലെ സ്ഥിതിഗതികൾ പഴയപടിയാകില്ലെന്ന് ഇറാന്റെ പാർലമെന്റ് സ്പീക്കർ മുഹമ്മദ് ബാഗർ ഘാലിബാഫ് മുന്നറിയിപ്പ് നൽകി. മേഖലയിൽ യുദ്ധസാഹചര്യം നിലനിൽക്കുന്ന പശ്ചാത്തലത്തിലാണ് ഇറാന്റെ ഈ നിർണ്ണായക പ്രസ്താവന.(Strait of Hormuz will never return to pre-war status, Iran warns)
ലോകത്തെ ആകെ എണ്ണ വിതരണത്തിന്റെ അഞ്ചിലൊന്നും കടന്നുപോകുന്ന ഹോർമുസ് കടലിടുക്കിൽ ഇറാൻ ഏർപ്പെടുത്തിയ നിയന്ത്രണങ്ങൾ പിൻവലിക്കില്ലെന്ന സൂചനയാണ് ഘാലിബാഫ് നൽകിയത്. ഇറാന്റെ മിസൈൽ കേന്ദ്രങ്ങൾക്ക് നേരെ യുഎസ് നടത്തിയ അതിശക്തമായ ബോംബാക്രമണത്തിന് പിന്നാലെയാണ് ഇറാൻ നിലപാട് കടുപ്പിച്ചത്.
കടലിടുക്ക് അടഞ്ഞുകിടക്കുന്നത് ആഗോള ഊർജ്ജ വിതരണ ശൃംഖലയെ ഗുരുതരമായി ബാധിച്ചിരിക്കുകയാണ്. അന്താരാഷ്ട്ര വിപണിയിൽ ഇന്ധനവില കുതിച്ചുയരുന്നതിനും ഇത് കാരണമായിട്ടുണ്ട്.
