തൃശൂർ: മുൻ മുഖ്യമന്ത്രി അന്തരിച്ച ഉമ്മൻ ചാണ്ടിയുടെ മരുമകൻ വർഗീസ് ജോർജ് നിയമസഭാ തിരഞ്ഞെടുപ്പിൽ ട്വന്റി 20 സ്ഥാനാർത്ഥിയാകും (Varghese George Twenty20 candidate). ഉമ്മൻ ചാണ്ടിയുടെ മകൾ മരിയ ഉമ്മന്റെ ഭർത്താവായ വർഗീസ് ജോർജ് തൃശൂർ ജില്ലയിലെ കൊടുങ്ങല്ലൂർ നിയോജക മണ്ഡലത്തിൽ നിന്നാണ് ജനവിധി തേടുന്നത്.
കോൺഗ്രസ് രാഷ്ട്രീയത്തിലെ അതികായന്റെ കുടുംബാംഗം ട്വന്റി 20 പാർട്ടിയുടെ ഭാഗമായി ഗോദിലിറങ്ങുന്നത് രാഷ്ട്രീയ വൃത്തങ്ങളിൽ വലിയ ചർച്ചകൾക്ക് വഴിതുറന്നിട്ടുണ്ട്. 2021-ലാണ് വർഗീസ് ജോർജ് ട്വന്റി 20-യിൽ അംഗത്വമെടുത്തത്. തുടർന്ന് പാർട്ടിയുടെ ഉപദേശക സമിതി അംഗമായും പ്രവർത്തിച്ചു. നിലവിൽ ട്വന്റി 20 കൊടുങ്ങല്ലൂർ നിയോജക മണ്ഡലം പ്രസിഡന്റാണ് അദ്ദേഹം.
Story Summary:
Varghese George, the son-in-law of the late former CM Oommen Chandy, has been named the Twenty20 party candidate for the Kodungallur constituency. Married to Maria Oommen, Varghese joined Twenty20 in 2021 and currently serves as its constituency president. His entry into the electoral fray from a non-Congress platform has sparked significant political interest in Kerala.
