കൊച്ചി: പത്ത് വർഷത്തോളം ക്യാൻസറിനോട് പോരാടി മരണത്തിന് കീഴടങ്ങിയ നടി ശരണ്യ ശശി (Saranya Sasi birthday) യുടെ ഓർമ്മകളിൽ വികാരാധീനയായി നടി സീമ ജി. നായർ. ശരണ്യയുടെ പിറന്നാൾ ദിനമായ മാർച്ച് 15-ന് (മീനം 1) പ്രിയപ്പെട്ട ‘മകൾക്ക്’ ആശംസകൾ നേർന്നുകൊണ്ട് സീമ പങ്കുവെച്ച ഫേസ്ബുക്ക് കുറിപ്പ് ആരാധകരുടെ കണ്ണ് നനയിക്കുകയാണ്.
സഹപ്രവർത്തക എന്നതിലുപരി ശരണ്യയുടെ രോഗകാലത്തുടനീളം തണലായി നിന്ന വ്യക്തിയായിരുന്നു സീമ ജി. നായർ. ശരണ്യയുടെ വിയോഗത്തിന് ശേഷവും ആ കുടുംബത്തെ ചേർത്തുപിടിക്കുന്ന സീമ, മറ്റൊരു ജീവകാരുണ്യ പ്രവർത്തനത്തിന്റെ തിരക്കിലായതിനാലാണ് ആശംസ നേരാൻ വൈകിയതെന്ന് കുറിപ്പിൽ പറയുന്നു.
സീമ ജി. നായരുടെ കുറിപ്പ്:
“ഇന്ന് നിന്റെ പിറന്നാളാണ്, മാർച്ച് 15 (മീനം 1). രാവിലെ ഇടേണ്ട പോസ്റ്റാണ്. ഇന്നലെ നിന്റെ ചേച്ചിയമ്മ ഒരു പോസ്റ്റിട്ടിരുന്നു, രെഞ്ചുവിന് സഹായം ചോദിച്ചുകൊണ്ട്. അതിന്റെ ബാക്കി എന്നോണം ഇന്നൊരു പോസ്റ്റ് രാവിലെ പോകേണ്ടി വന്നു. അതുകൊണ്ട് നിനക്കുള്ള പിറന്നാൾ ആശംസ വൈകി. നീ പിണങ്ങില്ല എന്നറിയാം, കാരണം മറ്റൊരാളെ സഹായിക്കാനുള്ള ശ്രമത്തിലായിരുന്നു നിന്റെ ചേച്ചിയമ്മ. ഹാപ്പി ബർത്ത്ഡേ മോളെ.. നീ സ്വർഗ്ഗത്തിലിരുന്ന് പിറന്നാൾ ആഘോഷിക്കുകയാണെന്നറിയാം. മിസ് യു, ലവ് യു.”
സീരിയലുകളിലൂടെയും സിനിമകളിലൂടെയും മലയാളിക്ക് പ്രിയങ്കരിയായ ശരണ്യ 2021 ഓഗസ്റ്റ് 9-നാണ് അന്തരിച്ചത്. വെറും 25 വയസ്സുള്ളപ്പോഴാണ് തലവേദനയുടെ രൂപത്തിൽ ട്യൂമർ ശരണ്യയെ വേട്ടയാടാൻ തുടങ്ങിയത്. പത്ത് വർഷത്തിനിടയിൽ 11 സർജറികൾക്കാണ് താരം വിധേയയായത്. ശരണ്യയുടെ ചികിത്സാ ആവശ്യങ്ങൾക്കായി വീട് നിർമ്മിക്കുന്നതിനും സാമ്പത്തിക സഹായം എത്തിക്കുന്നതിനും സീമ ജി. നായർ മുന്നിലുണ്ടായിരുന്നു.
Story Summary:
Actress Seema G. Nair shared an emotional tribute on the birthday of late actress Saranya Sasi (March 15). Saranya, who fought a decade-long battle with a brain tumor, passed away in 2021. Seema, who was Saranya’s pillar of support throughout her illness, expressed how much she misses her, noting that even though the birthday wish was slightly delayed due to other charity work, Saranya would understand.
