തിരുവനന്തപുരം: നിയമസഭാ തിരഞ്ഞെടുപ്പിനുള്ള 81 സ്ഥാനാർത്ഥികളുടെ പട്ടിക സിപിഐഎം സംസ്ഥാന സെക്രട്ടറി എം.വി. ഗോവിന്ദൻ പ്രഖ്യാപിച്ചു (CPIM candidate list 2026). മുഖ്യമന്ത്രി പിണറായി വിജയൻ, 11 മന്ത്രിമാർ, 54 സിറ്റിംഗ് എംഎൽഎമാർ എന്നിവരടങ്ങുന്ന ജനകീയ നിരയെയാണ് ഇത്തവണ പാർട്ടി രംഗത്തിറക്കിയിരിക്കുന്നത്. പ്രഖ്യാപിച്ച പട്ടികയിൽ ആറ് പേർ സ്വതന്ത്ര സ്ഥാനാർത്ഥികളാണ്.
മുഖ്യമന്ത്രിക്ക് പുറമെ പി.എ. മുഹമ്മദ് റിയാസ്, പി. രാജീവ്, കെ.എൻ. ബാലഗോപാൽ, വീണാ ജോർജ് തുടങ്ങി 11 മന്ത്രിമാർ വീണ്ടും ജനവിധി തേടുന്നു. ഡിവൈഎഫ്ഐ സംസ്ഥാന സെക്രട്ടറി വി.കെ. സനോജ് മട്ടന്നൂരിലും, മുൻ ഇന്ത്യൻ ഫുട്ബോൾ താരം യു. ഷറഫലി നിലമ്പൂരിലും (സ്വതന്ത്രൻ) മത്സരിക്കുന്നു. കെ.കെ. ശൈലജ, ആർ. ബിന്ദു, വീണാ ജോർജ്, യു. പ്രതിഭ തുടങ്ങി 10 വനിതാ സ്ഥാനാർത്ഥികളാണ് പട്ടികയിലുള്ളത്.
നിലവിൽ ആറ് സ്വതന്ത്രരെ പ്രഖ്യാപിച്ചു. പാലക്കാട്, തിരൂർ ഉൾപ്പെടെ അഞ്ചിടങ്ങളിൽ കൂടി സ്വതന്ത്രരെ പിന്നീട് പ്രഖ്യാപിക്കും. മാഹിയിൽ അഡ്വ. ടി. അശോക് കുമാർ സ്വതന്ത്രനായി മത്സരിക്കും.
പൊളിറ്റ് ബ്യൂറോ അംഗം പിണറായി വിജയനും കെ.കെ. ശൈലജ ഉൾപ്പെടെയുള്ള കേന്ദ്ര കമ്മിറ്റി അംഗങ്ങളും മത്സരരംഗത്തുണ്ട്. നവകേരള വികസന പദ്ധതികളുടെ തുടർച്ച ലക്ഷ്യമിട്ടുള്ള സുശക്തമായ ടീമാണിതെന്ന് പട്ടിക പ്രഖ്യാപിച്ചുകൊണ്ട് എം.വി. ഗോവിന്ദൻ പറഞ്ഞു.
തിരഞ്ഞെടുപ്പ് ഏപ്രിൽ 9-ന് നടക്കാനിരിക്കെ, സിപിഐഎം സ്ഥാനാർത്ഥികൾ ഉടൻ തന്നെ മണ്ഡലങ്ങളിൽ സജീവമാകും.
സ്ഥാനാർത്ഥി പട്ടിക
1. മഞ്ചേശ്വരം- കെ ആർ ജയാനന്ദ
2. ഉദുമ- അഡ്വ. സി എച്ച് കുഞ്ഞമ്പു
3. തൃക്കരിപ്പൂർ- ഡോ. വി പി പി മുസ്തഫ
4. പയ്യന്നൂർ- ടി ഐ മധുസൂദനൻ
5. തളിപ്പറമ്പ്- പി കെ ശ്യാമള
6. അഴീക്കോട്- കെ വി സുമേഷ്
7. കല്ല്യാശ്ശേരി- എം വിജിൻ
8. ധർമ്മടം- പിണറായി വിജയൻ
9. മട്ടന്നൂർ- വി കെ സനോജ്
10. പേരാവൂർ- കെ കെ ശൈലജ
11. തലശ്ശേരി- കാരായി രാജൻ
12. മാനന്തവാടി- ഒ ആർ കേളു
13. സുൽത്താൻബത്തേരി- എം എസ് വിശ്വനാഥൻ
14. കുറ്റിയാടി- കെ പി കുഞ്ഞമ്മദ് കുട്ടി
15. പേരാമ്പ്ര- ടി പി രാമകൃഷ്ണൻ
16. ബാലുശ്ശേരി- അഡ്വ. കെ എം സച്ചിൻദേവ്
17. കൊയിലാണ്ടി- കെ ദാസൻ
18. കോഴിക്കോട് നോർത്ത്- തോട്ടത്തിൽ രവീന്ദ്രൻ
19. ബേപ്പൂർ- പി എ മുഹമ്മദ് റിയാസ്
20. തിരുവമ്പാടി- ലിന്റോ ജോസഫ്
21. പൊന്നാനി- അഡ്വ. എം കെ സക്കീർ
22. വണ്ടൂർ- ഡോ. കെ കെ ദാമോദരൻ മാസ്റ്റർ
23. പെരിന്തൽമണ്ണ- വി പി മുഹമ്മദ് ഹനീഫ
24. മങ്കട- എം പി അലവി
25. തൃത്താല- എം ബി രാജേഷ്
26. തരൂർ- പി പി സുമോദ്
27. ആലത്തൂർ- ടി എം ശശി
28. നെന്മാറ- കെ പ്രേമൻ
29. ഷൊർണ്ണൂർ- പി മമ്മിക്കുട്ടി
30. ഒറ്റപ്പാലം- അഡ്വ. കെ പ്രേംകുമാർ
31. കോങ്ങാട്- അഡ്വ. കെ ശാന്തകുമാരി
32. മലമ്പുഴ- എ പ്രഭാകരൻ
33. കുന്നംകുളം- എ സി മൊയ്തീൻ
34. ചേലക്കര- യു ആർ പ്രദീപ്
35. മണലൂർ- പ്രൊഫ. സി രവീന്ദ്രനാഥ്
36. ഗുരുവായൂർ- എൻ കെ അക്ബർ
37. പുതുക്കാട്- കെ കെ രാമചന്ദ്രൻ
38. ഇരിങ്ങാലക്കുട- ഡോ. ആർ ബിന്ദു
39. വടക്കാഞ്ചേരി- സേവ്യർ ചിറ്റിലപ്പള്ളി
40. അങ്കമാലി- അഡ്വ. സാജു പോൾ
41. ആലുവ- അഡ്വ. എ എം ആരിഫ്
42. കുന്നത്തുനാട്- പി വി ശ്രീനിജിൻ
43. വൈപ്പിൻ- അഡ്വ. എം ബി ഷൈനി
44. കളമശ്ശേരി- പി രാജീവ്
45. തൃക്കാക്കര- അഡ്വ. പുഷ്പാദാസ്
46. കൊച്ചി- കെ ജെ മാക്സി
47. തൃപ്പൂണിത്തുറ- കെ എൻ ഉണ്ണികൃഷ്ണൻ
48. കോതമംഗലം- ആന്റണി ജോൺ
49. ഉടുമ്പൻചോല- കെ കെ ജയചന്ദ്രൻ
50. ദേവികുളം- അഡ്വ. എ രാജ
51. ഏറ്റുമാനൂർ- വി എൻ വാസവൻ
52. കോട്ടയം- അഡ്വ. കെ അനിൽകുമാർ
53. പുതുപ്പള്ളി- കെ എം രാധാകൃഷ്ണൻ
54. അരൂർ- ദലീമ ജോജോ
55. ആലപ്പുഴ- പി പി ചിത്തരഞ്ജൻ
56. അമ്പലപ്പുഴ- എച്ച് സലാം
57. കായംകുളം- അഡ്വ. യു പ്രതിഭ
58. ചെങ്ങന്നൂർ- സജി ചെറിയാൻ
59. മാവേലിക്കര- എം എസ് അരുൺ കുമാർ
60. ആറന്മുള- വീണാ ജോർജ്ജ്
61. കോന്നി- അഡ്വ. കെ യു ജനീഷ്കുമാർ
62. കൊട്ടാരക്കര- കെ എൻ ബാലഗോപാൽ
63. കുണ്ടറ- എസ് എൽ സജികുമാർ
64. ഇരവിപുരം- എം നൗഷാദ്
65. കൊല്ലം- എസ് ജയമോഹൻ
66. വർക്കല- അഡ്വ. വി ജോയി
67. ആറ്റിങ്ങൽ- ഒ എസ് അംബിക
68. വാമനപുരം- അഡ്വ. ഡി കെ മുരളി
69. കഴക്കൂട്ടം- കടകംപള്ളി സുരേന്ദ്രൻ
70. വട്ടിയൂർക്കാവ്- അഡ്വ. വി കെ പ്രശാന്ത്
71. നേമം- വി ശിവൻകുട്ടി
72. കാട്ടാക്കട- അഡ്വ. ഐ ബി സതീഷ്
73. അരുവിക്കര- അഡ്വ. ജി സ്റ്റീഫൻ
74. നെയ്യാറ്റിൻകര- കെ ആൻസലൻ
75. പാറശ്ശാല- സി കെ ഹരീന്ദ്രൻ
സ്വതന്ത്രർ
1. കുന്നമംഗലം – പി ടി എ റഹീം
2. താനൂർ – വി അബ്ദുറഹ്മാൻ
3. വേങ്ങര – മുഹമ്മദ് സബാഹ് കുണ്ടുകുഴിക്കൽ
4. നിലമ്പൂർ – യു ഷറഫലി
5. തവനൂർ – കെ ടി ജലീൽ
6. ചവറ – ഡോ. സുജിത് വിജയൻ
മാഹി- അഡ്വ. ടി അശോക് കുമാർ (സ്വതന്ത്രൻ)
Story Summary:
CPIM State Secretary M.V. Govindan announced the first list of 81 candidates for the Kerala Assembly Election 2026. The list includes CM Pinarayi Vijayan, 11 ministers, and 54 sitting MLAs. Ten women and several youth leaders, including DYFI Secretary V.K. Sanoj, are contesting. Notable independent candidates include former footballer U. Sharafali from Nilambur. Candidates for five more seats, including Palakkad, will be announced later.
