ന്യൂഡൽഹി: ഇന്ത്യൻ സിനിമയുടെ ആഗോള സ്വാധീനം വ്യക്തമാക്കിക്കൊണ്ട് ഫിൻലൻഡ് പ്രസിഡന്റ് അലക്സാണ്ടർ സ്റ്റബ്ബ് ബോളിവുഡ് ചിത്രം ‘ധുരന്ധർ’ കണ്ട വാർത്ത ശ്രദ്ധേയമാകുന്നു (Finland President Alexander Stubb Dhurandhar). തന്റെ ഔദ്യോഗിക ഇന്ത്യൻ സന്ദർശനത്തിന് തൊട്ടുമുമ്പാണ് അദ്ദേഹം സിനിമ കണ്ടത്. മകന്റെ നിർദ്ദേശപ്രകാരമാണ് താൻ ഈ ചിത്രം കണ്ടതെന്നും ഭീകരവാദത്തിനെതിരെയുള്ള പോരാട്ടം പ്രമേയമായ സിനിമ തനിക്ക് ഏറെ ഇഷ്ടപ്പെട്ടുവെന്നും അദ്ദേഹം വാർത്താ ഏജൻസിയായ എഎൻഐയോട് പറഞ്ഞു.
മാർച്ച് 19-ന് തിയേറ്ററുകളിലെത്തുന്ന ‘ധുരന്ധർ: ദി റിവഞ്ച്’ (Dhurandhar: The Revenge) എന്ന രണ്ടാം ഭാഗത്തിനായി താൻ കാത്തിരിക്കുകയാണെന്നും അദ്ദേഹം കൂട്ടിച്ചേർത്തു. അതേസമയം, ചിത്രത്തിന്റെ രണ്ടാം ഭാഗത്തിനായുള്ള അഡ്വാൻസ് ബുക്കിംഗ് റെക്കോർഡ് വേഗത്തിലാണ് മുന്നേറുന്നത്. ഇന്ത്യയിൽ മാത്രം വിവിധ ഭാഷകളിലായി ഇതുവരെ 12.29 കോടി രൂപ അഡ്വാൻസ് ബുക്കിംഗിലൂടെ ചിത്രം സ്വന്തമാക്കി കഴിഞ്ഞു. ബ്ലോക്ക് ബുക്കിംഗുകൾ കൂടി കണക്കിലെടുക്കുമ്പോൾ ഇത് 18.1 കോടി രൂപയായി ഉയരുമെന്നാണ് കണക്കുകൾ.
So, Finland President Alexander Stubb watched Dhurandhar on the suggestion of his son before his India visit and most importantly, “he liked and supported narrative of the movie”.pic.twitter.com/KaBCmtfUZ0
— Abhishek (@vicharabhio) March 7, 2026
വിദേശ വിപണികളിലും ചിത്രത്തിന് വലിയ വരവേൽപ്പാണ് ലഭിക്കുന്നത്. അമേരിക്കയിൽ മാത്രം പ്രീമിയർ ഷോകൾക്കായി 38,500-ലധികം ടിക്കറ്റുകൾ വിറ്റുപോയി. ഏകദേശം 5.15 കോടി രൂപയാണ് അമേരിക്കയിൽ നിന്ന് മാത്രം അഡ്വാൻസ് ബുക്കിംഗിലൂടെ ലഭിച്ചത്. ഇന്ത്യൻ സിനിമകൾക്ക് അന്താരാഷ്ട്ര തലത്തിൽ ലഭിക്കുന്ന സ്വീകാര്യതയുടെ തെളിവാണ് ഫിൻലൻഡ് പ്രസിഡന്റിനെപ്പോലെയുള്ള ഉന്നത വ്യക്തികളുടെ പ്രതികരണങ്ങൾ.
