തിരുവനന്തപുരം: രാഷ്ട്രീയവും സിനിമയും കൈകോർക്കുന്ന അപൂർവ്വമായൊരു അഭിമുഖത്തിന് കേരളം സാക്ഷിയാകുന്നു (Mohanlal Pinarayi Vijayan Interview). മുഖ്യമന്ത്രി പിണറായി വിജയനെ മോഹൻലാൽ അഭിമുഖം ചെയ്യുന്ന ‘ഇരുവരും’ എന്ന പരിപാടിയുടെ ടീസർ പുറത്തിറങ്ങി. ക്ലിഫ് ഹൗസിൽ വെച്ച് ചിത്രീകരിച്ച ഈ അഭിമുഖത്തിൽ രാഷ്ട്രീയത്തിനപ്പുറം മുഖ്യമന്ത്രിയുടെ വ്യക്തിപരമായ താല്പര്യങ്ങളും ഓർമ്മകളും ചർച്ചയാകുന്നുണ്ട്.
“എന്റെ സിനിമാ ഡയലോഗ് ഓർമ്മയുണ്ടോ?”, “ജീവിതത്തിൽ എന്നെങ്കിലും പശ്ചാത്താപം തോന്നിയിട്ടുണ്ടോ?” തുടങ്ങിയ ഗൗരവകരവും രസകരവുമായ ചോദ്യങ്ങൾ മോഹൻലാൽ ഉന്നയിക്കുന്നത് ടീസറിലുണ്ട്. പ്രശസ്ത സംവിധായകൻ ടി.കെ. രാജീവ് കുമാറിന്റെ നേതൃത്വത്തിലാണ് ഈ അഭിമുഖം തയ്യാറാക്കിയിരിക്കുന്നത്. ക്ലിഫ് ഹൗസിന്റെ പശ്ചാത്തലത്തിലാണ് ചിത്രീകരണം നടന്നത്.
ചരിത്രം ആവർത്തിക്കുന്നു
മുൻപ് മുൻ മുഖ്യമന്ത്രി ഉമ്മൻചാണ്ടിയുമായും മോഹൻലാൽ ഇത്തരത്തിൽ ശ്രദ്ധേയമായൊരു അഭിമുഖം നടത്തിയിരുന്നു. വർഷങ്ങൾക്ക് ശേഷമാണ് മറ്റൊരു മുഖ്യമന്ത്രിയുമായി ലാൽ വീണ്ടും സംഭാഷണത്തിന് ഇരിക്കുന്നത്.മുഖ്യമന്ത്രിയുടെ ഇതുവരെ കാണാത്ത ഭാവങ്ങളും സിനിമാ വിശേഷങ്ങളും ഈ അഭിമുഖത്തിലൂടെ പുറത്തുവരുമെന്ന പ്രതീക്ഷയിലാണ് ആരാധകർ. ടീസർ പുറത്തിറങ്ങിയതോടെ സോഷ്യൽ മീഡിയയിൽ വലിയ ചർച്ചകൾക്കാണ് തുടക്കമിട്ടിരിക്കുന്നത്.
Story Summary: The teaser of the special interview titled ‘Iruvarum’, featuring Kerala CM Pinarayi Vijayan and superstar Mohanlal, has been released. Directed by T.K. Rajeev Kumar, the interview explores the personal and political life of the CM.
