ടെഹ്റാൻ: ഇറാനിൽ സർക്കാരിനെതിരെ പ്രതിഷേധിക്കുന്നവർക്കും പരിഷ്കരണവാദികൾക്കും നേരെ ഭരണകൂടം കർശന നടപടികൾ തുടരുന്നു (Iran arrests reformist leaders). പ്രമുഖ പരിഷ്കരണവാദി കൂട്ടായ്മയായ ‘റിഫോം ഫ്രണ്ട്’ അധ്യക്ഷ അസർ മൻസൂരി ഉൾപ്പെടെ നാല് മുതിർന്ന നേതാക്കളെയാണ് ഇറാൻ അധികൃതർ അറസ്റ്റ് ചെയ്തത്. ഇബ്രാഹിം അസ്ഗർസാദെ, മൊഹ്സിൻ അമിൻസാദെ, റിഫോം ഫ്രണ്ട് വക്താവ് ജവാദ് ഇമാം എന്നിവരാണ് അറസ്റ്റിലായ മറ്റ് പ്രമുഖർ. കഴിഞ്ഞ മാസമുണ്ടായ ചോരപ്പുഴയൊഴുക്കിയ ജനകീയ പ്രക്ഷോഭങ്ങൾക്ക് പിന്നാലെ ആയിരക്കണക്കിന് ആളുകളെയാണ് അധികൃതർ തടവിലാക്കിയിരിക്കുന്നത്.
ഇസ്രായേലിന്റെയും അമേരിക്കയുടെയും ചാരന്മാരായി പ്രവർത്തിക്കുന്നു എന്നാരോപിച്ചാണ് ഈ രാഷ്ട്രീയ നേതാക്കളെ കുറ്റപത്രത്തിൽ ഉൾപ്പെടുത്തിയിരിക്കുന്നത്. എന്നാൽ എന്ത് കുറ്റമാണ് ഇവർക്ക് മേൽ ചുമത്തിയിരിക്കുന്നത് എന്ന കാര്യത്തിൽ വ്യക്തതയില്ലെന്ന് മൻസൂരിയുടെ അഭിഭാഷകൻ പ്രതികരിച്ചു. രാജ്യത്ത് അടിസ്ഥാനപരമായ മാറ്റങ്ങൾ കൊണ്ടുവന്നില്ലെങ്കിൽ ഭരണകൂടം തകരുമെന്ന് റിഫോം ഫ്രണ്ട് നേരത്തെ മുന്നറിയിപ്പ് നൽകിയിരുന്നു. പ്രക്ഷോഭകാരികളെ അടിച്ചമർത്തുന്നതിന്റെ ഭാഗമായി ടെഹ്റാനിലെ എവിൻ ജയിലിലേക്ക് കൂടുതൽ രാഷ്ട്രീയ തടവുകാരെ മാറ്റിക്കൊണ്ടിരിക്കുകയാണ്.
Summary: Iranian authorities have arrested at least four prominent reformist politicians, including Reform Front head Azar Mansouri and spokesperson Javad Emam. This move is part of a broader crackdown following massive anti-government protests, with officials accusing the detainees of having ties to the United States and Israel.
