കുപ്രസിദ്ധ ലൈംഗിക കുറ്റവാളി ജെഫ്രി എപ്സ്റ്റീന്റെ ന്യൂ മെക്സിക്കോയിലെ ഫാം ഹൗസ് (Zorro Ranch) സന്ദർശിച്ച് വിർജീനിയ ഗിഫ്രെയുടെ സഹോദരങ്ങൾ (Virginia Giuffre Brothers Zorro Ranch Visit). എപ്സ്റ്റീന്റെ പ്രധാന ഇരകളിലൊരാളായിരുന്ന വിർജീനിയ, കഴിഞ്ഞ ഏപ്രിലിൽ ആത്മഹത്യ ചെയ്തിരുന്നു. അന്താരാഷ്ട്ര വനിതാ ദിനത്തോടനുബന്ധിച്ച് നടന്ന പ്രതിഷേധ റാലിയിൽ പങ്കുചേരാനാണ് സഹോദരങ്ങളായ സ്കൈ റോബർട്ട്സും ഡാനിയൽ വിൽസണും കുടുംബസമേതം ഇവിടെയെത്തിയത്. എപ്സ്റ്റീന്റെ ഇടപാടുകളെക്കുറിച്ചുള്ള രേഖകൾ സെൻസർ ചെയ്യാതെ പുറത്തുവിടണമെന്ന് ഇവർ ട്രംപ് ഭരണകൂടത്തോട് ആവശ്യപ്പെട്ടു.
ഫാം സന്ദർശിച്ച പ്രമുഖരുടെ പേരുകൾ ഈ രേഖകളിലുണ്ടെന്നും ഗവൺമെന്റ് അത് ബോധപൂർവ്വം മറച്ചുവെക്കുകയാണെന്നും സഹോദരങ്ങൾ ആരോപിച്ചു. എപ്സ്റ്റീന്റെ ഫാം ഹൗസിൽ വെച്ച് തങ്ങളെ ലൈംഗികമായി പീഡിപ്പിച്ച പ്രമുഖരുടെ പേരുകൾ വിർജീനിയ വെളിപ്പെടുത്തിയിരുന്നുവെന്നും ആ രേഖകൾ പുറംലോകം കാണണമെന്നും സ്കൈ റോബർട്ട്സ് പറഞ്ഞു. എപ്സ്റ്റീനുമായി ബന്ധപ്പെട്ട ദശലക്ഷക്കണക്കിന് രേഖകൾ പുറത്തുവന്നത് അമേരിക്കൻ രാഷ്ട്രീയത്തിൽ വലിയ ചർച്ചകൾക്ക് വഴിവെച്ചിരിക്കുകയാണ്. കഴിഞ്ഞ വ്യാഴാഴ്ച പുറത്തുവന്ന എഫ്ബിഐ രേഖകളിൽ അമേരിക്കൻ പ്രസിഡന്റ് ഡൊണാൾഡ് ട്രംപിനെതിരെയുള്ള പരാമർശങ്ങളും ഉൾപ്പെട്ടിട്ടുണ്ടെന്ന് റിപ്പോർട്ടുകൾ വ്യക്തമാക്കുന്നു.
എപ്സ്റ്റീന് 26 വർഷക്കാലം എങ്ങനെ ഇത്ര രഹസ്യമായി ഇവിടെ പ്രവർത്തിക്കാൻ കഴിഞ്ഞു എന്നതിനെക്കുറിച്ച് അന്വേഷിക്കാൻ ന്യൂ മെക്സിക്കോ സർക്കാർ ഒരു ‘ട്രൂത്ത് കമ്മീഷൻ’ രൂപീകരിച്ചിട്ടുണ്ട്. ഇത്തരം അന്വേഷണങ്ങൾ എപ്സ്റ്റീന്റെ മറ്റ് വസതികൾ സ്ഥിതി ചെയ്തിരുന്ന ന്യൂയോർക്കിലും ഫ്ലോറിഡയിലും നടക്കണമെന്ന് വിർജീനിയയുടെ കുടുംബം ആവശ്യപ്പെട്ടു. അധികാരവും പണവുമുള്ളവർ ശിക്ഷിക്കപ്പെടുന്നില്ല എന്നതിന്റെ ഉദാഹരണമാണ് എപ്സ്റ്റീൻ കേസെന്നും അമേരിക്കൻ സർക്കാർ ഇപ്പോഴും പല വിവരങ്ങളും ഒളിച്ചുവെക്കുകയാണെന്നുമാണ് പൊതുജനാഭിപ്രായം.
Summary: The brothers of late Epstein accuser Virginia Giuffre visited Jeffrey Epstein’s former Zorro Ranch in New Mexico on International Women’s Day. They demanded the release of unredacted documents identifying the powerful men their sister alleged sexually abused her.
