മുസാഫറാബാദ്: പാക് അധീന കശ്മീരിൽ ജെ.എ.എ.സി നിരോധനത്തെത്തുടർന്നുണ്ടായ സംഘർഷത്തിൽ വ്യാപക നാശനഷ്ടങ്ങളും മരണങ്ങളും റിപ്പോർട്ട് ചെയ്യുന്നു. വെള്ളിയാഴ്ച രാത്രി പോലീസ് വെടിവെപ്പിൽ ഒരു വ്യാപാരി കൊല്ലപ്പെട്ടതിനെത്തുടർന്നുണ്ടായ പ്രതിഷേധമാണ് ഞായറാഴ്ച റാളകോട്ടിൽ വലിയ സംഘർഷമായി മാറിയത്. സംഭവത്തിൽ മരണസംഖ്യ 30 ആയി.(Clashes In Pakistan Occupied Kashmir Kill Over Thirty People)
വ്യാപാരിയുടെ മൃതദേഹവുമായി ആശുപത്രിക്ക് മുന്നിൽ തടിച്ചുകൂടിയ പ്രതിഷേധക്കാരെ പോലീസ് പിരിച്ചുവിടാൻ ശ്രമിച്ചതാണ് അക്രമങ്ങൾക്ക് തുടക്കമിട്ടത്. പ്രതിഷേധക്കാർ ഓട്ടോമാറ്റിക് തോക്കുകളും പെട്രോൾ ബോംബുകളും ഉപയോഗിച്ചതായി അധികൃതർ ആരോപിക്കുമ്പോൾ, പ്രദേശവാസികൾ ഇത് തള്ളിക്കളയുന്നു. ഔദ്യോഗിക കണക്കുകൾ പ്രകാരം ആറ് പ്രതിഷേധക്കാരാണ് മരിച്ചത്, എന്നാൽ യഥാർത്ഥ മരണസംഖ്യ ഇതിലും വളരെ കൂടുതലാണെന്ന് ജെ.എ.എ.സി പ്രവർത്തകർ അവകാശപ്പെടുന്നു.
ജൂലൈ 27-ന് നടക്കാനിരിക്കുന്ന നിയമസഭാ തെരഞ്ഞെടുപ്പിലെ സീറ്റ് സംവരണം, ഇന്റർനെറ്റ് നിരോധനം, വൈദ്യുതിക്ഷാമം, പണപ്പെരുപ്പം, തൊഴിലില്ലായ്മ തുടങ്ങിയ വിഷയങ്ങൾ ഉന്നയിച്ചാണ് പ്രതിഷേധം സംഘടിപ്പിച്ചത്. അവാമി ആക്ഷൻ കമ്മിറ്റിയെ ഭീകരവാദ നിയമപ്രകാരം നിരോധിച്ച നടപടിക്കെതിരെ ഹ്യൂമൻ റൈറ്റ്സ് കമ്മീഷൻ ഓഫ് പാകിസ്ഥാൻ രംഗത്തെത്തി. അമിതമായ ബലപ്രയോഗവും ഇന്റർനെറ്റ് ബന്ധം വിച്ഛേദിച്ചതും കമ്മീഷൻ അപലപിച്ചു. സമാധാനപരമായ പ്രതിഷേധത്തിനുള്ള അവകാശം സംരക്ഷിക്കണമെന്നും, ജനങ്ങളുടെ പരാതികൾ പരിഹരിക്കാൻ സർക്കാർ അടിയന്തരമായി ചർച്ചകൾക്ക് തയ്യാറാകണമെന്നും കമ്മീഷൻ ആവശ്യപ്പെട്ടു. വസ്തുതകൾ പരിശോധിക്കാൻ ഒരു സംഘത്തെ പ്രദേശത്തേക്ക് അയക്കുമെന്നും അവർ വ്യക്തമാക്കി.
Story Summary
Clashes between protesters and security forces in Pakistan-occupied Kashmir have resulted in over 30 deaths and 200 injuries, following the government’s ban on the Joint Awami Action Committee (JAAC). The unrest, triggered by the death of a trader, highlights deep-seated grievances over political disenfranchisement, inflation, and resource exploitation in the region.
