ഇംഫാല്: മണിപ്പൂരില് സൈന്യം നടത്തിയ പ്രത്യേക ഓപ്പറേഷനില് വന് ആയുധശേഖരം കണ്ടെടുത്തു. ഭീകര സംഘടനകളുടെ ബങ്കറുകളും സൈന്യം നശിപ്പിച്ചു. മണിപ്പൂരിൽ, ബിഷ്ണുപൂർ, സുരചന്ദ്പൂർ, ഗാംഗ്ബോക്കി, ഇംഫാൽ ഈസ്റ്റ്, ഇംഫാൽ വെസ്റ്റ്, സേനാപതി, തോബാൽ, ജിരിബാം എന്നീ ജില്ലകളിൽ സൈന്യം പ്രത്യേക തിരച്ചിൽ നടത്തിയതായാണ് റിപ്പോർട്ട്. രഹസ്യ വിവരത്തിന്റെ അടിസ്ഥാനത്തിൽ നടത്തിയ റെയ്ഡിൽ മണിപ്പൂർ സംസ്ഥാന പോലീസ്, സിആർപിഎഫ്, ബിഎസ്എഫ്, ഇന്തോ-ടിബറ്റൻ അതിർത്തി സുരക്ഷാ സേന എന്നിവർ പങ്കെടുത്തു.
ബിഷ്ണുപൂർ ജില്ലയിൽ നടത്തിയ സംയുക്ത തിരച്ചിലിൽ തോക്കുകളും ധാരാളം ആയുധങ്ങളും പിടിച്ചെടുത്തു. അതുപോലെ, ചന്ദേൽ ജില്ലയിൽ നിന്ന് ധാരാളം തോക്കുകളും ഗ്രനേഡുകളും പിടിച്ചെടുത്തു. കാങ്ബോക്കി ജില്ലയിൽ നടന്ന റെയ്ഡിൽ ബങ്കറുകളും കണ്ടെത്തി നശിപ്പിച്ചു. ഈ പ്രത്യേക തിരച്ചിലിൽ ആകെ 114 ആയുധങ്ങൾ, സ്ഫോടകവസ്തുക്കൾ, ഗ്രനേഡുകൾ എന്നിവ കണ്ടെത്തി.
