കൊച്ചുകുട്ടികൾക്കും മുതിർന്നവർക്കും കഴിക്കാവുന്ന ഒരു വിഭവമാണിത്. പ്രഭാതഭക്ഷണത്തിന് ഇത് നല്ലൊരു ഐറ്റമാണ് പാൽ കൊഴുക്കട്ട (Paal Kozhukkatta). എന്നും പുട്ടും ദോശയും ഇഡ്ഡലിയുമൊക്കെ കഴിക്കുന്നവർക്ക് ഇതൊരു വേറിട്ട രുചിയായിരിക്കും. വളരെ രുചികരവും ആരോഗ്യകരവുമായ പാൽ കൊഴുക്കട്ട എങ്ങനെ ഉണ്ടാക്കാമെന്ന് നോക്കാം:
ആവശ്യമുള്ള ചേരുവകൾ
അരിപൊടി – 2 കപ്പ്
ഉപ്പ് -1 സ്പൂൺ
തേങ്ങ -1 കപ്പ്
തേങ്ങാ പാൽ – 4 കപ്പ് (ഒന്നാം പാലും രണ്ടാം പാലും)
തയ്യാറാക്കുന്ന വിധം
ഒരു പാത്രത്തിലേയ്ക്ക് 2 കപ്പ് ഇടിയപ്പത്തിന്റെ പൊടിയും ആവശ്യത്തിന് ഉപ്പും കുറച്ചു തേങ്ങയും തിളച്ച വെള്ളവും ചേര്ത്ത് നല്ലതുപോലെ ഇളക്കി യോജിപ്പിച്ച് കുഴച്ചെടുക്കുക. ഇതിനെ ചെറിയ ഉരുളകളാക്കി ഒരു പാത്രത്തിൽ വയ്ക്കുക.
ഇനി തേങ്ങയുടെ രണ്ടാം പാൽ ഒരു പാത്രത്തിലേയ്ക്ക് ഒഴിച്ചതിനു ശേഷം ഉരുളകളാക്കി വെച്ചിട്ടുള്ള ഈ കൊഴുക്കട്ടകള് അതിലേയ്ക്ക് ഇട്ട് ചെറിയ തീയിൽ നന്നായിട്ട് വേവിച്ചെടുക്കുക. കൊഴുക്കട്ട വെന്തു കഴിയുമ്പോൾ ഇതിലേക്ക് തേങ്ങയുടെ ഒന്നാംപാലും കൂടി ചേർത്ത് ചൂടാക്കി ഇറക്കാം. പാൽ കൊഴുക്കട്ടയിൽ മധുരം ആവശ്യമുള്ളവർക്ക് ചേർക്കാം.
