മുള്ളൻപൂർ: ഐപിഎൽ 2026-ൽ ക്രിക്കറ്റ് ലോകത്തെ വിസ്മയിപ്പിച്ച് രാജസ്ഥാൻ റോയൽസിന്റെ കൗമാര താരം വൈഭവ് സൂര്യവംശി (Vaibhav Sooryavanshi Helicopter Shot). പഞ്ചാബ് കിങ്സിനെതിരായ മത്സരത്തിൽ വെറും 16 പന്തിൽ 43 റൺസ് അടിച്ചുകൂട്ടിയ വൈഭവ്, മുൻ ഇന്ത്യൻ നായകൻ എം.എസ്. ധോണിയുടെ വിഖ്യാതമായ ‘ഹെലികോപ്റ്റർ ഷോട്ടു’കളിലൂടെയാണ് ആരാധകരുടെ മനം കവർന്നത്.
അർഷ്ദീപ് സിംഗ്, ലോക്കി ഫെർഗൂസൺ എന്നിവർക്കെതിരെ മൂന്ന് തവണയാണ് വൈഭവ് ഹെലികോപ്റ്റർ ഷോട്ട് പായിച്ചത്. ഇതോടെ സോഷ്യൽ മീഡിയയിൽ ധോണിയുമായുള്ള താരതമ്യങ്ങൾ സജീവമായി. ഈ ഇന്നിംഗ്സോടെ ഒരു ഐപിഎൽ സീസണിൽ ഏറ്റവും വേഗത്തിൽ 400 റൺസ് തികയ്ക്കുന്ന താരമെന്ന റെക്കോർഡ് വൈഭവ് സ്വന്തമാക്കി. വെറും 167 പന്തുകളിൽ നിന്നാണ് താരം ഈ നേട്ടം കൈവരിച്ചത്. അഭിഷേക് ശർമ്മയെ മറികടന്ന് ഈ സീസണിലെ ഓറഞ്ച് ക്യാപ് പോരാട്ടത്തിലും താരം മുന്നിലെത്തി.
The 🚁🚁🚁 arrived thrice tonight. pic.twitter.com/9yUuW8LDDq
— Rajasthan Royals (@rajasthanroyals) April 28, 2026
145 കിലോമീറ്ററിലധികം വേഗതയിൽ പന്തെറിയുന്ന ബൗളർമാരെ യാതൊരു ഭയവുമില്ലാതെ നേരിടുന്ന വൈഭവ് ഉടൻ തന്നെ ഇന്ത്യൻ ജേഴ്സിയിൽ അരങ്ങേറ്റം കുറിക്കുമെന്ന് മുൻ ഇന്ത്യൻ താരം ശിഖർ ധവാൻ പറഞ്ഞു. ഈ സീസണിൽ ഇതുവരെ 7 മത്സരങ്ങളിൽ നിന്ന് 238.09 സ്ട്രൈക്ക് റേറ്റിൽ 400 റൺസാണ് ഈ 15-കാരൻ അടിച്ചുകൂട്ടിയത്. ജസ്പ്രീത് ബുംറ, ജോഷ് ഹേസൽവുഡ് തുടങ്ങിയ ലോകോത്തര ബൗളർമാരെയും വൈഭവ് ഈ സീസണിൽ നിഷ്പ്രഭരാക്കിയിരുന്നു.
We’ve seen this shot before 🚁 😉
Vaibhav Sooryavanshi gives Rajasthan Royals the perfect start in this chase. 💪#TATAIPL 2026 ➡️ #PBKSvRR | LIVE NOW 👉https://t.co/saW6caCqT8 pic.twitter.com/A5EgtrJ0Sp
— Star Sports (@StarSportsIndia) April 28, 2026
Summary: 15-year-old batting prodigy Vaibhav Sooryavanshi stunned the cricket world during RR’s clash against PBKS by hitting three ‘helicopter shots’ reminiscent of MS Dhoni. Scoring 43 off just 16 balls, he became the fastest player to reach 400 runs in a single IPL season (167 balls), surpassing Abhishek Sharma. Former India opener Shikhar Dhawan praised his fearless approach against high-speed bowling, predicting a quick debut for the national team.
