ശ്രീഹരിക്കോട്ട: ഇന്ത്യൻ ബഹിരാകാശ മേഖലയിൽ പുതിയൊരു ചരിത്രം കുറിച്ചുകൊണ്ട് രാജ്യത്തെ ആദ്യത്തെ സ്വകാര്യ ഓർബിറ്റൽ റോക്കറ്റായ ‘വിക്രം-1’ (Vikram-1) വിജയകരമായി വിക്ഷേപിച്ചു. ഹൈദരാബാദ് ആസ്ഥാനമായി പ്രവർത്തിക്കുന്ന സ്പേസ് സ്റ്റാർട്ടപ്പായ ‘സ്കൈറൂട്ട് എയറോസ്പേസ്’ വികസിപ്പിച്ച റോക്കറ്റ്, ആന്ധ്രാപ്രദേശിലെ ശ്രീഹരിക്കോട്ടയിലുള്ള വിക്ഷേപണ കേന്ദ്രത്തിൽ നിന്നാണ് കുതിച്ചുയർന്നത്.(Vikram 1 successful launch, Skyroot Aerospace Successfully Launches Vikram 1)
‘മിഷൻ ആഗമൻ’ എന്ന് പേരിട്ടിരിക്കുന്ന ഈ ചരിത്ര ദൗത്യത്തിലൂടെ വലിയൊരു നേട്ടമാണ് ഇന്ത്യ സ്വന്തമാക്കിയിരിക്കുന്നത്. ഈ വിജയകരമായ വിക്ഷേപണത്തോടെ, സ്വന്തമായി ഒരു ഓർബിറ്റൽ റോക്കറ്റ് വിക്ഷേപിക്കാൻ ശേഷിയുള്ള സ്വകാര്യ കമ്പനിയുള്ള ലോകത്തിലെ മൂന്നാമത്തെ രാജ്യമായി ഇന്ത്യ മാറി. അമേരിക്കയ്ക്കും ചൈനയ്ക്കും ശേഷം ഈ അപൂർവ്വ നേട്ടം കൈവരിക്കുന്ന രാജ്യമാണ് ഇന്ത്യ. ഇന്ത്യൻ ബഹിരാകാശ പദ്ധതിയുടെ പിതാവായ വിക്രം സാരാഭായിയുടെ ഓർമ്മക്കായാണ് റോക്കറ്റിന് ‘വിക്രം-1’ എന്ന് പേരിട്ടിരിക്കുന്നത്.
ഏഴുനില കെട്ടിടത്തിന്റെ ഉയരമുള്ള ഈ മൾട്ടി-സ്റ്റേജ് റോക്കറ്റ് ഭൂമിയിൽ നിന്ന് 450 കിലോമീറ്റർ അകലെയുള്ള ലൗ എർത്ത് ഓർബിറ്റിലേക്കാണ് (Low Earth Orbit) വിക്ഷേപിച്ചത്. മുൻകൂട്ടി നിശ്ചയിച്ച പാതയിലൂടെ കൃത്യമായി സഞ്ചരിച്ച് ദൗത്യം വിജയകരമായി പൂർത്തിയാക്കാൻ റോക്കറ്റിന് സാധിച്ചു. രാജ്യത്തെ സ്വകാര്യ ബഹിരാകാശ മേഖലയ്ക്ക് വൻ ഊർജ്ജം പകരുന്ന ഈ ദൗത്യം, ആഗോള ഉപഗ്രഹ വിക്ഷേപണ വിപണിയിൽ ഇന്ത്യയുടെ സ്ഥാനം കൂടുതൽ ഉറപ്പിക്കുന്നതാണ്.
Story Summary
India achieved a monumental milestone in its space sector as Hyderabad-based Skyroot Aerospace successfully launched ‘Vikram-1’, the country’s first-ever private orbital rocket, from ISRO’s Sriharikota facility under ‘Mission Aagaman’. With this successful text-book launch into the 450 km Low Earth Orbit, India has become only the third nation in the world—after the United States and China—to possess a private enterprise capable of orbital satellite deployment.
