ന്യൂഡൽഹി: ഗുരുവായൂർ ദേവസ്വം ബോർഡിലെ വിവിധ തസ്തികകളിലേക്ക് ദേവസ്വം റിക്രൂട്ട്മെന്റ് ബോർഡ് നടത്തിവരുന്ന നിയമന നടപടികൾ നിർത്തിവെക്കാൻ സുപ്രീം കോടതി ഉത്തരവിട്ടു. ജസ്റ്റിസുമാരായ വിക്രം നാഥ്, സന്ദീപ് മേത്ത എന്നിവരടങ്ങിയ ബെഞ്ചാണ് ഈ നിർദ്ദേശം നൽകിയത്.(Supreme Court orders suspension of Guruvayur Devaswom Board recruitment)
ഗുരുവായൂർ ദേസ്വത്തിലേക്ക് നിയമനം നടത്താൻ ദേസ്വം റിക്രൂട്ട്മെന്റ് ബോർഡിന് അധികാരമില്ലെന്ന ഹൈക്കോടതി വിധി സുപ്രീം കോടതി നേരത്തെ സ്റ്റേ ചെയ്തിരുന്നു. സ്റ്റേ നിലവിലുണ്ടെങ്കിലും നിയമന നടപടികളുമായി മുന്നോട്ട് പോകരുതെന്ന് കോടതി വ്യക്തമാക്കി. നിയമന നടപടികൾ നിർത്തിവെക്കാമെന്ന് ദേസ്വം റിക്രൂട്ട്മെന്റ് ബോർഡ് സുപ്രീം കോടതിയെ അറിയിച്ചു.
ഹൈക്കോടതി വിധിക്കെതിരായ അപ്പീലുകളിൽ അടുത്ത മാസം 10-ന് സുപ്രീം കോടതി വിശദമായി വാദം കേൾക്കും. ഗുരുവായൂർ ദേവസ്വം നിയമനങ്ങൾ ദേവസ്വം റിക്രൂട്ട്മെന്റ് ബോർഡിന് വിട്ടുകൊണ്ടുള്ള സർക്കാർ തീരുമാനമാണ് നിയമപോരാട്ടത്തിന് വഴിവെച്ചത്.
