ന്യൂഡൽഹി: എസ്.എൻ.ഡി.പി യോഗം തിരഞ്ഞെടുപ്പിൽ പ്രാതിനിധ്യ വോട്ടവകാശ രീതി പുനഃസ്ഥാപിച്ച കേരള ഹൈക്കോടതി ഡിവിഷൻ ബെഞ്ച് ഉത്തരവിനെതിരെ സുപ്രീംകോടതിയിൽ അപ്പീൽ. യോഗത്തിലെ എല്ലാ അംഗങ്ങൾക്കും വോട്ടവകാശം നൽകണമെന്ന സിംഗിൾ ബെഞ്ച് ഉത്തരവ് ഡിവിഷൻ ബെഞ്ച് റദ്ദാക്കിയിരുന്നു. ഇതിനെതിരെയാണ് അംഗങ്ങളായ രണ്ട് പേർ അപ്പീൽ ഫയൽ ചെയ്തത്.(SNDP Yogam Election, Appeal in Supreme Court against voting rights)
വിഷയം സുപ്രീംകോടതിയിലെത്തിയതോടെ എസ്.എൻ.ഡി.പി യോഗം ജനറൽ സെക്രട്ടറി തടസ്സഹർജി ഫയൽ ചെയ്തു. തങ്ങളുടെ വാദം കേൾക്കാതെ ഈ വിഷയത്തിൽ ഇടക്കാല ഉത്തരവുകളൊന്നും പുറപ്പെടുവിക്കരുതെന്നാണ് തടസ്സഹർജിയിലൂടെ ആവശ്യപ്പെട്ടിരിക്കുന്നത്.
