ബാരാമതി: വിമാനാപകടത്തിൽ മരണപ്പെട്ട ഉപമുഖ്യമന്ത്രി അജിത് പവാറിനും മറ്റ് നാലുപേർക്കും അവസാനമായി ആദരമർപ്പിക്കാൻ എൻ.സി.പി (എസ്.സി.പി) അധ്യക്ഷൻ ശരദ് പവാർ എത്തി. ബാരാമതിയിലെ പുണ്യശ്ലോക് അഹല്യദേവി ഹോൾക്കർ ഗവൺമെന്റ് മെഡിക്കൽ കോളേജിലാണ് ഭൗതിക ശരീരം നിലവിൽ സൂക്ഷിച്ചിരിക്കുന്നത്.(Sharad Pawar arrives at Baramati Medical Hospital)
രാഷ്ട്രീയമായ ഭിന്നതകൾ നിലനിന്നിരുന്നെങ്കിലും തന്റെ കുടുംബാംഗവും രാഷ്ട്രീയ ശിഷ്യനുമായ അജിത് പവാറിന്റെ വിയോഗത്തിൽ ശരദ് പവാർ അങ്ങേയറ്റം വികാരാധീനനാണ്. പ്രിയ നേതാവിനെ അവസാനമായി ഒരുനോക്ക് കാണാൻ ആശുപത്രി പരിസരത്ത് വൻ ജനക്കൂട്ടമാണ് തടിച്ചുകൂടിയിരിക്കുന്നത്.
മുഖ്യമന്ത്രി ദേവേന്ദ്ര ഫഡ്നാവിസും ഉപമുഖ്യമന്ത്രി ഏക്നാഥ് ഷിൻഡെയും ഉടൻ തന്നെ ആശുപത്രിയിൽ എത്തിച്ചേരും. അജിത് പവാറിന്റെ വിയോഗം പവാർ കുടുംബത്തിലും എൻ.സി.പി രാഷ്ട്രീയത്തിലും വലിയ പ്രതിഫലനങ്ങളാണ് ഉണ്ടാക്കിയിരിക്കുന്നത്.
