മുംബൈ: സോഷ്യൽ മീഡിയയിൽ വൈറലാകാൻ വേണ്ടി അപകടകരമായ രീതിയിൽ വീഡിയോ ചിത്രീകരിച്ച ഗോരേഗാവ് സ്വദേശിയായ യുവാവിനെതിരെ മുംബൈ പോലീസ് കേസെടുത്തു (Goregaon Dangerous Reel,). തന്റെ ജന്മദിനത്തോടനുബന്ധിച്ച് റോഡിന് നടുവിൽ പെട്രോളൊഴിച്ച് തീയിട്ട ശേഷമായിരുന്നു യുവാവിന്റെ അഭ്യാസം.
തന്റെ ജന്മദിനം വ്യത്യസ്തമായ രീതിയിൽ ആഘോഷിക്കാനും അത് സോഷ്യൽ മീഡിയയിൽ പങ്കുവെക്കാനുമായിരുന്നു യുവാവിന്റെ നീക്കം. ഗോരേഗാവിലെ തിരക്കേറിയ റോഡിൽ പെട്രോളൊഴിച്ച് തീയിടുകയും ആ തീയോടൊപ്പം നടന്നു വരുന്ന രീതിയിൽ വീഡിയോ ചിത്രീകരിക്കുകയും ചെയ്തു. ഈ വീഡിയോ സോഷ്യൽ മീഡിയയിൽ പ്രചരിച്ചതോടെയാണ് പോലീസ് ശ്രദ്ധയിൽപ്പെട്ടത്.
#WATCH | #Goregaon Man’s Dangerous Birthday Reel Project: FIR For Pouring Petrol On Road, Setting It Afire To Shoot Video
Reported by @meghakuchik1 #Goregaon #Mumbai #MumbaiNews pic.twitter.com/i2iLZLaMI5
— Free Press Journal (@fpjindia) April 27, 2026
പൊതുവഴിയിൽ അപകടകരമായ രീതിയിൽ സ്ഫോടകവസ്തുക്കളോ ഇന്ധനമോ കൈകാര്യം ചെയ്തതിനും ജനങ്ങളുടെ സുരക്ഷയ്ക്ക് ഭീഷണി ഉയർത്തിയതിനും ഭാരതീയ ന്യായ സംഹിതയിലെ (BNS) പ്രസക്തമായ വകുപ്പുകൾ പ്രകാരം വനോതി പോലീസ് കേസെടുത്തു. ഇത്തരം പ്രവർത്തികൾ ഗുരുതരമായ അപകടങ്ങൾക്ക് കാരണമാകുമെന്നും സോഷ്യൽ മീഡിയയിലെ പ്രശസ്തിക്ക് വേണ്ടി നിയമലംഘനം നടത്തുന്നവർക്കെതിരെ കർശന നടപടി സ്വീകരിക്കുമെന്നും പോലീസ് മുന്നറിയിപ്പ് നൽകി.
നിലവിൽ യുവാവിനെ തിരിച്ചറിഞ്ഞിട്ടുണ്ടെന്നും കൂടുതൽ അന്വേഷണം നടന്നുവരികയാണെന്നും മുംബൈ പോലീസ് അറിയിച്ചു.
Story Summary: Mumbai Police have filed an FIR against a youth from Goregaon for a dangerous birthday reel. The man poured petrol on a public road and set it on fire to record a dramatic video for social media. After the clip went viral, Vanrai police took suo motu action, booking him for endangering public safety and mishandling inflammable substances under BNS sections.
