ബാങ്ക: ബീഹാറിലെ ബാങ്ക ജില്ലയിലുള്ള ജില്ലേബിയ പോലീസ് സ്റ്റേഷൻ പരിധിയിലെ ഒരു ഗ്രാമത്തിൽ രണ്ട് വയസ്സ് മാത്രം പ്രായമുള്ള പെൺകുട്ടിയെ പ്രായപൂർത്തിയാകാത്ത രണ്ട് ആൺകുട്ടികൾ ചേർന്ന് പീഡിപ്പിക്കുകയും തുടർന്ന് കൊലപ്പെടുത്തുകയും ചെയ്തു (Minor Girl Assault Murder). കളിച്ചുകൊണ്ടിരുന്ന കുട്ടിയെ ആളൊഴിഞ്ഞ സ്ഥലത്തെത്തിച്ച് മുറിക്കുള്ളിൽ പൂട്ടിയിട്ടാണ് പ്രതികൾ കുട്ടിയെ ഉപദ്രവിച്ചത്. കുട്ടിയുടെ കരച്ചിൽ പുറത്തുകേൾക്കാതിരിക്കാൻ വായ തുണികൊണ്ട് അമർത്തിപ്പിടിച്ചു.
കുട്ടിയെ കാണാതായതിനെത്തുടർന്ന് വീട്ടുകാർ തിരച്ചിൽ നടത്തുന്നതിനിടെ റോഡരികിൽ ഉപേക്ഷിക്കപ്പെട്ട നിലയിൽ മൃതദേഹം കണ്ടെത്തുകയായിരുന്നു. വിവരമറിഞ്ഞ് സ്ഥലത്തെത്തിയ പോലീസ് നടത്തിയ അന്വേഷണത്തിൽ പ്രതികളായ രണ്ട് പ്രായപൂർത്തിയാകാത്ത ആൺകുട്ടികളെയും പിടികൂടി. കൊലപാതക വിവരം പുറത്തറിയാതിരിക്കാനാണ് പീഡനത്തിന് ശേഷം കുട്ടിയെ പ്രതികൾ ശ്വാസം മുട്ടിച്ച് കൊലപ്പെടുത്തിയത്.
പിടികൂടിയ രണ്ട് പ്രതികളെയും പോലീസ് ജുവനൈൽ ഹോമിലേക്ക് മാറ്റി. കുട്ടിയുടെ മൃതദേഹം പോസ്റ്റ്മോർട്ടത്തിന് അയച്ചിരിക്കുകയാണ്. ഫോറൻസിക് പരിശോധനകൾക്കും പോസ്റ്റ്മോർട്ടം റിപ്പോർട്ടിനും ശേഷം മാത്രമേ സംഭവത്തിന്റെ കൂടുതൽ വിവരങ്ങൾ വ്യക്തമാകൂ എന്ന് പോലീസ് അറിയിച്ചു. കുട്ടിയുടെ വസ്ത്രങ്ങളും മറ്റ് തെളിവുകളും വിദഗ്ധ പരിശോധനയ്ക്കായി അയച്ചിട്ടുണ്ട്. സംഭവത്തിൽ നാട്ടുകാർ കടുത്ത പ്രതിഷേധത്തിലാണ്.
