ജുനാഗഡ്: ഗുജറാത്തിലെ പരമ്പരാഗത സംഗീത പരിപാടിക്കിടെ ഭജൻ ഗായകൻ ഗോപാൽ സാധുവിന് മേൽ ഭക്തർ ലക്ഷക്കണക്കിന് രൂപയുടെ നോട്ടുമഴ പെയ്യിക്കുന്ന വീഡിയോ സോഷ്യൽ മീഡിയയിൽ തരംഗമാകുന്നു (Gujarati Folk Singer Viral Video). ഗുജറാത്തിലെ ജുനാഗഡിലുള്ള ഖംഭാലിയ ഗ്രാമത്തിൽ നടന്ന ‘ദായ്രോ’ എന്ന പരമ്പരാഗത ഫോക്ക് സംഗീത പരിപാടിക്കിടെയാണ് സംഭവം. ഗായകൻ ഹാർമോണിയം വായിച്ച് പാടുന്നതിനിടെ ഭക്തർ വലിയ ചാക്കുകളിൽ പണവുമായെത്തി അദ്ദേഹത്തിന്റെ തലയിലൂടെ നോട്ടുകൾ ചൊരിയുകയായിരുന്നു. ഒരു ഘട്ടത്തിൽ പണത്തിന്റെ കൂമ്പാരത്തിന് പിന്നിൽ ഗായകൻ പൂർണ്ണമായി മറയുന്ന അവസ്ഥയിലായെങ്കിലും അദ്ദേഹം ഒട്ടും പതറാതെ തന്റെ പ്രകടനം തടസ്സമില്ലാതെ തുടർന്നു.
സോഷ്യൽ മീഡിയയിൽ പ്രചരിക്കുന്ന ഈ ദൃശ്യങ്ങൾ വലിയ രീതിയിലുള്ള ചർച്ചകൾക്കും വഴിതുറന്നിട്ടുണ്ട്. ഇതിഹാസ ഗായകൻ കീർത്തിദാൻ ഗാധ്വി ഉൾപ്പെടെയുള്ള പ്രമുഖ ഗായകർ പങ്കെടുത്ത മുൻവർഷങ്ങളിലെ പരിപാടികളിലും സമാനമായ രീതിയിൽ ലക്ഷക്കണക്കിന് രൂപയുടെ നോട്ടുമഴ ഉണ്ടായ ചരിത്രമുണ്ട്. ഗുജറാത്തിലെ പരമ്പരാഗത സംഗീത സദസ്സുകളിൽ ഇത്തരത്തിൽ പണം ചൊരിയുന്നത് ഒരു പതിവ് രീതിയാണ്. ഇങ്ങനെ പരിപാടികളിൽ നിന്നും ഭക്തർ വഴിപാടായി നൽകുന്ന തുക മുഴുവനായും പശു സംരക്ഷണം, നിർധനരായ ആളുകളുടെ ക്ഷേമം തുടങ്ങിയ സാമൂഹിക സേവന പ്രവർത്തനങ്ങൾക്കായാണ് സംഘാടകർ ഉപയോഗിക്കാറുള്ളത്.
View this post on Instagram
Summary: A video of Gujarati folk singer Gopal Sadhu nearly buried under a massive pile of cash during a traditional ‘Dayro’ event in Junagadh has gone viral on social media. Devotees at the event in Khambhaliya village continuously showered the bhajan singer with sacks of currency notes as he performed uninterrupted on his harmonium. While the viral clip has sparked mixed reactions online regarding the safety and scale of the act, organizers notes that such traditional showers of money are customary in Gujarat folk events, and the collected funds are strictly utilized for charitable causes.
