ജമ്മു കശ്മീർ മുൻ മുഖ്യമന്ത്രിയും നാഷണൽ കോൺഫറൻസ് നേതാവുമായ ഫാറൂഖ് അബ്ദുള്ളയ്ക്ക് നേരെ ജമ്മുവിൽ വധശ്രമം. ഒരു വിവാഹ ചടങ്ങിൽ പങ്കെടുക്കുന്നതിനിടെയാണ് തോക്കുധാരിയായ ഒരാൾ അദ്ദേഹത്തിന് നേരെ വെടിയുതിർത്തത് (Farooq Abdullah Assassination Attempt). എന്നാൽ സുരക്ഷാ ഉദ്യോഗസ്ഥരുടെ സമയോചിതമായ ഇടപെടൽ മൂലം അദ്ദേഹം പരിക്കേൽക്കാതെ അത്ഭുതകരമായി രക്ഷപ്പെട്ടു. അതീവ സുരക്ഷയുള്ള വ്യക്തിയായിട്ടും അക്രമി എങ്ങനെ ഇത്രയും അടുത്തെത്തി എന്ന ചോദ്യവുമായി മുഖ്യമന്ത്രി ഒമർ അബ്ദുള്ള രംഗത്തെത്തി.
രാജ്യത്തെ ഏറ്റവും ഉയർന്ന സുരക്ഷാ വിഭാഗമായ ‘സെഡ് പ്ലസ്’ പരിരക്ഷയുള്ള വ്യക്തിയാണ് 88-കാരനായ ഫാറൂഖ് അബ്ദുള്ള. എൻഎസ്ജി കമാൻഡോകളും പോലീസും ഉൾപ്പെടുന്ന വലിയൊരു സുരക്ഷാ വലയം അദ്ദേഹത്തിന് ചുറ്റുമുണ്ട്. “എന്റെ പിതാവ് തലനാരിഴയ്ക്കാണ് രക്ഷപ്പെട്ടത്. ലോഡ് ചെയ്ത തോക്കുമായി ഒരാൾക്ക് എങ്ങനെ ഇത്രയും അടുത്തെത്താൻ കഴിഞ്ഞു എന്നതിനെക്കുറിച്ച് നിലവിൽ വ്യക്തമായ ഉത്തരങ്ങളില്ല,” എന്ന് ഒമർ അബ്ദുള്ള സോഷ്യൽ മീഡിയയിൽ കുറിച്ചു.
സംഭവസ്ഥലത്തുണ്ടായിരുന്ന സുരക്ഷാ സംഘം അക്രമിയെ ഉടൻ തന്നെ കീഴ്പ്പെടുത്തി പോലീസിലേൽപ്പിച്ചു. ജമ്മുവിലെ പുരാനി മണ്ഡി സ്വദേശിയായ കമൽ സിംഗ് ജംവാൾ (65) ആണ് പിടിയിലായത്. കഴിഞ്ഞ 20 വർഷമായി താൻ ഈ നിമിഷത്തിനായി കാത്തിരിക്കുകയായിരുന്നു എന്നാണ് ഇയാൾ പോലീസിനോട് പറഞ്ഞത്. സ്വന്തം ലൈസൻസുള്ള തോക്ക് ഉപയോഗിച്ചാണ് ഇയാൾ വെടിയുതിർത്തത്. ആക്രമണത്തിന് പിന്നിലെ കൃത്യമായ കാരണം ഇതുവരെ വ്യക്തമായിട്ടില്ല.
സിസിടിവി ദൃശ്യങ്ങളിൽ അക്രമി ഫാറൂഖ് അബ്ദുള്ളയെ പിന്തുടരുന്നതും തോക്ക് പുറത്തെടുക്കുന്നതും വ്യക്തമാണ്. വെടിയുതിർത്ത ഉടൻ തന്നെ കമാൻഡോകൾ ഇയാളെ തടയുകയായിരുന്നു. മുൻപും നിരവധി ഭീകരാക്രമണങ്ങളെ ഫാറൂഖ് അബ്ദുള്ള അതിജീവിച്ചിട്ടുണ്ട്.
Allah is kind. My father had a very close shave. The details are sketchy at the moment but what is known is that a man with a loaded pistol was able to get within point blank range & discharge a shot. It was only the close protection team that deflected the shot & ensured that… https://t.co/hYBe64Eigl
— Omar Abdullah (@OmarAbdullah) March 11, 2026
Summary: Former Jammu and Kashmir Chief Minister Farooq Abdullah narrowly escaped an assassination attempt while attending a wedding in Jammu. Despite having Z-Plus security, a 65-year-old man named Kamal Singh Jamwal managed to get close and fire a shot, which was deflected by the protection team.
