ഭാര്യ നടത്തിയ പരിഹാസം പെട്ടെന്നുണ്ടായ പ്രകോപനമായി കണക്കാക്കി, കൊലപാതക കേസിലെ പ്രതിയുടെ ജീവപര്യന്തം തടവ് ശിക്ഷ ഏഴ് വർഷമായി കുറച്ചു മധ്യപ്രദേശ് ഹൈക്കോടതി (Domestic Homicide Case). 2021 ജൂലൈയിൽ ഗർഭിണിയായ ഭാര്യ കിരണിനെ കല്ലുകൊണ്ട് തലയ്ക്കടിച്ച് കൊലപ്പെടുത്തിയ കേസിലെ പ്രതിയായ ശിവ എന്നയാളുടെ അപ്പീലിലാണ് ജസ്റ്റിസ് വിവേക് അഗർവാൾ, ജസ്റ്റിസ് അവിനാഷ് കുമാർ സിങ് എന്നിവരടങ്ങിയ ഡിവിഷൻ ബെഞ്ചിന്റെ നിർണ്ണായക വിധി. നേരത്തെ വിചാരണ കോടതി ഇയാൾക്ക് ജീവപര്യന്തം തടവ് ശിക്ഷ വിധിച്ചിരുന്നു.
സംഭവദിവസം വാഗ്വാദത്തിനിടെ, “നിന്നെപ്പോലെ ആയിരം ഭർത്താക്കന്മാരെ എനിക്ക് കിട്ടും” എന്ന് ഭാര്യ കിരൺ ശിവയോട് പറഞ്ഞിരുന്നു. ഈ വാക്കുകൾ തന്നെ വല്ലാതെ പ്രകോപിപ്പിച്ചെന്നും ആ ദേഷ്യത്തിലാണ് സമീപത്തുണ്ടായിരുന്ന കല്ലെടുത്ത് ഭാര്യയെ ആക്രമിച്ചതെന്നും ശിവ പിന്നീട് പോലീസിനോടും ബന്ധുക്കളോടും കുറ്റസമ്മതം നടത്തിയിരുന്നു. ഏഴ് മാസം ഗർഭിണിയായിരുന്ന കിരൺ സംഭവസ്ഥലത്തുതന്നെ മരണപ്പെടുകയും ചെയ്തു.
കൊലപാതകം ആസൂത്രിതമല്ലെന്നും, പെട്ടെന്നുണ്ടായ പ്രകോപനത്തിന്റെ പുറത്താണ് പ്രതി ഇങ്ങനെയൊരു കൃത്യം ചെയ്തതെന്നും കോടതി നിരീക്ഷിച്ചു. ഒരു ഭർത്താവിനെ സംബന്ധിച്ചിടത്തോളം അയാളുടെ അന്തസ്സിനെ ചോദ്യം ചെയ്യുന്ന തരത്തിലുള്ളതാണ് ഭാര്യയുടെ ആ വാക്കുകൾ എന്ന് കോടതി ചൂണ്ടിക്കാട്ടി. ഒരു മനുഷ്യനെന്ന നിലയിൽ തനിക്ക് യാതൊരു വിലയുമില്ലെന്ന് ഭാര്യ പറഞ്ഞത് പ്രതിയെ മാനസികമായി തളർത്തുകയും, ആ നിമിഷം വിവേകം നഷ്ടപ്പെട്ട് പ്രവർത്തിക്കാൻ പ്രേരിപ്പിക്കുകയും ചെയ്തുവെന്നും കോടതി വിലയിരുത്തി.
മുൻകൂട്ടി ആസൂത്രണം ചെയ്യാതെ നടന്ന കൃത്യമായതിനാലും, കൊലപാതകത്തിന് ശേഷം പ്രതി തന്നെ വിവരങ്ങൾ അധികൃതരെ അറിയിച്ചതുകൊണ്ടും ജീവപര്യന്തം ശിക്ഷ ആവശ്യമില്ലെന്ന് കോടതി വ്യക്തമാക്കി. ഇന്ത്യൻ ശിക്ഷാ നിയമത്തിലെ (IPC) സെക്ഷൻ 304 പാർട്ട് 1-ൽ നിന്ന് മാറ്റി സെക്ഷൻ 304 പാർട്ട് 2-ലാണ് (കുറ്റകരമായ നരഹത്യ) പ്രതിയെ ശിക്ഷിച്ചത്. ഏഴ് വർഷത്തെ കഠിന തടവിനൊപ്പം 1,000 രൂപ പിഴയും കോടതി വിധിച്ചിട്ടുണ്ട്.
Summary: The Madhya Pradesh High Court has reduced a man’s life sentence to seven years’ rigorous imprisonment after ruling that his wife’s taunt, “I can keep a thousand husbands like you,” constituted “grave and sudden provocation.” The court held that while the husband was guilty of culpable homicide for killing his pregnant wife during an argument, the lack of premeditation and the psychological impact of the remark justified a lighter sentence under Section 304 Part II of the IPC.
