ഹൈദരാബാദ്: തെലങ്കാനയിലെ യാദാദ്രി ഭുവനഗിരി ജില്ലയിൽ ചാർമിനാർ എക്സ്പ്രസ് ട്രെയിനിന് തീപിടിച്ചു. അലർ റെയിൽവേ സ്റ്റേഷന് സമീപത്ത് വെച്ചായിരുന്നു അപകടം. ട്രെയിനിന്റെ എസ് 5 (S5) കോച്ചിലാണ് തീപിടിത്തമുണ്ടായത്. കൃത്യസമയത്ത് യാത്രക്കാർ പുറത്തിറങ്ങിയതിനാൽ വലിയൊരു ദുരന്തം ഒഴിവാകുകയായിരുന്നു.(Charminar Express catches fire in Telangana, Passengers miraculously escape)
അലർ റെയിൽവേ സ്റ്റേഷന് സമീപം, യാദാദ്രി ഭുവനഗിരി ജില്ലയിൽ വച്ചാണ് അപകടം ഉണ്ടായത്. കോച്ചിൽ നിന്ന് പുകയും തീയും ഉയരുന്നത് കണ്ടതോടെ യാത്രക്കാർ പരിഭ്രാന്തരായി. ഉടൻ തന്നെ ചങ്ങല വലിച്ച് ട്രെയിൻ നിർത്തുകയും യാത്രക്കാർ പുറത്തേക്ക് ഇറങ്ങി രക്ഷപ്പെടുകയുമായിരുന്നു. സംഭവത്തിൽ ആർക്കും പരിക്കേറ്റതായി റിപ്പോർട്ടുകളില്ല.
