ലേ: ലഡാക്കിലെ ലേയിലുള്ള ടാംഗ്സ്റ്റേ മേഖലയിൽ കരസേനയുടെ ‘ചീറ്റ’ ഹെലികോപ്റ്റർ തകർന്നു വീണു (Army helicopter crash Ladakh). അപകടത്തിൽ ഹെലികോപ്റ്ററിലുണ്ടായിരുന്ന മേജർ ജനറൽ റാങ്കിലുള്ള മുതിർന്ന ഉദ്യോഗസ്ഥൻ ഉൾപ്പെടെ മൂന്ന് പേർക്ക് പരിക്കേറ്റു. എന്നാൽ ആരുടെയും പരിക്ക് ഗുരുതരമല്ലെന്നും വലിയൊരു ദുരന്തത്തിൽ നിന്നാണ് സൈനിക ഉദ്യോഗസ്ഥർ അത്ഭുതകരമായി രക്ഷപ്പെട്ടതെന്നും കരസേനാ വക്താക്കൾ അറിയിച്ചു.
സാങ്കേതിക തകരാറാണ് അപകടത്തിന് കാരണമെന്നാണ് പ്രാഥമിക നിഗമനം. പരിക്കേറ്റ ഉദ്യോഗസ്ഥരെ ഉടൻ തന്നെ സൈനിക ആശുപത്രിയിൽ പ്രവേശിപ്പിച്ചു. ഇവർ നിലവിൽ നിരീക്ഷണത്തിലാണ്. ഉയർന്ന മലനിരകളുള്ള ലഡാക്ക് മേഖലയിൽ വച്ച് ഹെലികോപ്റ്റർ തകരാൻ ഇടയായ സാഹചര്യത്തെക്കുറിച്ച് അന്വേഷിക്കാൻ സേന ഉന്നതതല അന്വേഷണത്തിന് ഉത്തരവിട്ടിട്ടുണ്ട്.
Story Summary: An Indian Army Cheetah helicopter crashed in the Tangste area of Leh, Ladakh. A Major General and two other personnel sustained minor injuries, and a high-level court of inquiry has been ordered into the incident.
