ന്യൂഡൽഹി: അജിത് പവാറിന്റെ അപ്രതീക്ഷിത വിയോഗത്തിൽ ആഴത്തിലുള്ള ദുഃഖം രേഖപ്പെടുത്തി എഎപി മേധാവി അരവിന്ദ് കെജ്രിവാൾ. സോഷ്യൽ മീഡിയയിലൂടെയാണ് അദ്ദേഹം തന്റെ അനുശോചനം അറിയിച്ചത്.(Ajit Pawar’s demise extremely tragic, says AAP chief Kejriwal)
“മഹാരാഷ്ട്ര ഉപമുഖ്യമന്ത്രി അജിത് പവാറിന്റെ മരണം സംബന്ധിച്ച വാർത്ത അങ്ങേയറ്റം ദാരുണമാണ്. സർവശക്തൻ പരേതരുടെ ആത്മാക്കൾക്ക് നിത്യശാന്തി നൽകട്ടെ. ഈ കഠിനമായ ദുഃഖസമയത്ത് അവരുടെ കുടുംബങ്ങൾക്കും അഭ്യുദയകാംക്ഷികൾക്കും ഇത് അതിജീവിക്കാനുള്ള കരുത്ത് നൽകട്ടെ എന്ന് പ്രാർത്ഥിക്കുന്നു,” അരവിന്ദ് കെജ്രിവാൾ കുറിച്ചു.
വിമാനാപകടത്തിൽ അജിത് പവാറിനൊപ്പം ജീവൻ നഷ്ടപ്പെട്ട മറ്റ് നാലുപേരുടെ കുടുംബങ്ങളെയും അദ്ദേഹം തന്റെ സന്ദേശത്തിൽ അനുസ്മരിച്ചു. അജിത് പവാറിന്റെ മരണത്തിൽ പ്രധാനമന്ത്രി നരേന്ദ്ര മോദി, മുഖ്യമന്ത്രി പിണറായി വിജയൻ തുടങ്ങി രാജ്യത്തെ പ്രമുഖ നേതാക്കളെല്ലാം അനുശോചനം രേഖപ്പെടുത്തിയിട്ടുണ്ട്.
