ചെന്നൈ: തമിഴ്നാട് നിയമസഭാ തിരഞ്ഞെടുപ്പിൽ ഏറ്റവും വലിയ ഒറ്റക്കക്ഷിയായ ടിവികെയ്ക്ക് ഭൂരിപക്ഷം തെളിയിക്കാൻ എംഎൽഎമാരുടെ പിന്തുണ ആവശ്യമായി വന്നിരിക്കെ, എഐഎഡിഎംകെ കൈകൊണ്ട തീരുമാനം വിജയ്ക്ക് വലിയ തിരിച്ചടിയായി (AIADMK Support to TVK News). ഒരു കാരണവശാലും ടിവികെയെ പിന്തുണയ്ക്കില്ലെന്നും, നിയമസഭയിൽ പ്രതിപക്ഷമായി ഇരിക്കാനാണ് പാർട്ടി ആഗ്രഹിക്കുന്നതെന്നും മുനുസാമി മാധ്യമങ്ങളോട് പറഞ്ഞു.
ടിവികെയുമായി സഖ്യത്തിനോ പിന്തുണയ്ക്കോ ഉള്ള യാതൊരു സാധ്യതയുമില്ല. എഐഎഡിഎംകെ സ്വന്തം നിലപാടുകളിൽ ഉറച്ചുനിൽക്കുന്നു. ജനങ്ങൾ തങ്ങളെ പ്രതിപക്ഷത്തിരിക്കാനാണ് ഏൽപ്പിച്ചിരിക്കുന്നത്. ഭൂരിപക്ഷമില്ലാത്ത സാഹചര്യത്തിൽ സർക്കാർ രൂപീകരിക്കാൻ ടിവികെക്ക് പിന്തുണ നൽകേണ്ട ബാധ്യത എഐഎഡിഎംകെയ്ക്കില്ല.
ടിവികെയെ പിന്തുണച്ച് എഐഎഡിഎംകെ ഭരണത്തിന്റെ ഭാഗമാകുമെന്ന് നേരത്തെ ചില അഭ്യൂഹങ്ങൾ പരന്നിരുന്നു. ഇതിനെ പൂർണ്ണമായും തള്ളിക്കളയുന്നതാണ് മുനുസാമിയുടെ പ്രസ്താവന.
നിലവിൽ 113 എംഎൽഎമാരുടെ പിന്തുണയുള്ള വിജയ്ക്ക്, ഭൂരിപക്ഷം തികയ്ക്കാൻ 5 പേരുടെ പിന്തുണ കൂടി ആവശ്യമാണ്. എഐഎഡിഎംകെ കൈയൊഴിഞ്ഞതോടെ, സ്വതന്ത്രരിലും മറ്റ് ചെറിയ പാർട്ടികളിലും മാത്രമാണ് വിജയ്യുടെ പ്രതീക്ഷ.
Story Summary: Senior AIADMK leader K.P. Munusamy has categorically rejected any possibility of supporting Vijay’s TVK for government formation in Tamil Nadu. Amidst rumors of a potential alliance, Munusamy clarified that AIADMK will function as a responsible opposition. This development leaves Vijay with 113 seats, still five short of the 118-majority mark required by the Governor.
