തിരുവനന്തപുരം: പറവൂർ മുൻസിപ്പാലിറ്റി മുൻ ചെയർപേഴ്സൺ വത്സല പ്രസന്നകുമാർ കോൺഗ്രസ് വിട്ട് ബിജെപിയിൽ ചേർന്നു. തിരുവനന്തപുരം മാരാർജി ഭവനിൽ നടന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ വത്സലയെ ഷാൾ അണിയിച്ച് സ്വീകരിച്ചു.(Woman Congress leader from Paravur joins BJP, Rajeev Chandrasekhar receives)
ബിജെപിയുടെ വികസന പ്രവർത്തനങ്ങളിൽ ആകൃഷ്ടയായാണ് പാർട്ടിയിൽ ചേർന്നതെന്ന് വത്സല പ്രസന്നകുമാർ പറഞ്ഞു. ബിജെപിയിൽ അംഗമാകാൻ സാധിച്ചതിൽ ഏറെ സന്തോഷമുണ്ടെന്നും അവർ കൂട്ടിച്ചേർത്തു. വത്സലയുടെ വരവിനെ “വിസ്മയം പറവൂരിൽ നിന്നാകട്ടെ” എന്നാണ് രാജീവ് ചന്ദ്രശേഖർ വിശേഷിപ്പിച്ചത്.
ശബരിമല സ്വർണ്ണക്കൊള്ള കേസിൽ സർക്കാരിനും പ്രതിപക്ഷത്തിനും എതിരെ രാജീവ് ചന്ദ്രശേഖർ കടുത്ത നിലപാട് സ്വീകരിച്ചു. ശബരിമലയിലെ സ്വർണ്ണക്കൊള്ളക്കാർ ജയിലിൽ പോയേ തീരൂവെന്ന് അദ്ദേഹം പറഞ്ഞു.
