കല്പറ്റ: വയനാട് ജില്ലയിലെ കൈതപ്പൊയിലിലുള്ള സ്വകാര്യ സ്ഥാപനത്തിൽ നിന്ന് അനധികൃതമായി സൂക്ഷിച്ചിരുന്ന 23 പാചകവാതക സിലിണ്ടറുകൾ എൻഫോഴ്സ്മെന്റ് പിടിച്ചെടുത്തു (Wayanad Gas Cylinder Seizure). ജില്ലാ സപ്ലൈ ഓഫീസറുടെ നേതൃത്വത്തിലുള്ള വയനാട്, കോഴിക്കോട് സ്പെഷ്യൽ എൻഫോഴ്സ്മെന്റ് സ്ക്വാഡുകൾ സംയുക്തമായി നടത്തിയ പരിശോധനയിലാണ് സിലിണ്ടറുകൾ കണ്ടെത്തിയത്. വിവിധ കമ്പനികളുടേതാണ് പിടിച്ചെടുത്ത സിലിണ്ടറുകൾ.
ജില്ലയിലെ മാനന്തവാടി, കല്പറ്റ, വൈത്തിരി, പുൽപ്പള്ളി തുടങ്ങി പ്രധാന അങ്ങാടികളിലെല്ലാം പാചകവാതക ക്ഷാമം കാരണം ഹോട്ടലുകളുടെയും ഭക്ഷണശാലകളുടെയും പ്രവർത്തനം പ്രതിസന്ധിയിലായിരിക്കുകയാണ്. സിലിണ്ടറുകൾ ലഭ്യമല്ലാത്തതിനാൽ പലയിടത്തും ഉച്ചഭക്ഷണം ഉൾപ്പെടെയുള്ളവ മുടങ്ങുന്ന അവസ്ഥയുണ്ട്. ഈ സാഹചര്യത്തിലാണ് സിലിണ്ടറുകൾ നിയമവിരുദ്ധമായി ശേഖരിച്ചുവെക്കുന്നത് തടയാൻ അധികൃതർ പരിശോധന കർശനമാക്കിയത്.
അനധികൃതമായി സിലിണ്ടറുകൾ സംഭരിക്കുകയോ ദുരുപയോഗം ചെയ്യുകയോ ചെയ്യുന്നവർക്കെതിരെ അവശ്യസാധന നിയമപ്രകാരം (Essential Commodities Act) കർശന നടപടികൾ സ്വീകരിക്കുമെന്ന് ജില്ലാ സപ്ലൈ ഓഫീസർ ജെയിംസ് പീറ്റർ അറിയിച്ചു. വരും ദിവസങ്ങളിലും ജില്ലയുടെ വിവിധ ഭാഗങ്ങളിൽ സമാനമായ രീതിയിൽ പരിശോധനകൾ തുടരുമെന്നും അദ്ദേഹം വ്യക്തമാക്കി.
Story Summary: The Special Enforcement Squad, led by the District Supply Officer, seized 23 illegally stored gas cylinders from a private firm in Kaithappoyil. The raid comes at a time when Wayanad is facing a severe shortage of cooking gas, affecting the functioning of hotels and eateries in Kalpetta, Mananthavady, and Sulthan Bathery. District Supply Officer James Peter warned of strict action under the Essential Commodities Act against those involved in hoarding and illegal storage.
