തിരുവനന്തപുരം: കോൺഗ്രസ് നേതാവും തിരുവനന്തപുരം എംപിയുമായ ഡോ. ശശി തരൂർ ഇന്ന് എഴുപതാം ജന്മദിനം ആഘോഷിക്കുന്നു. ലണ്ടനിൽ 1956 മാർച്ച് 9-നാണ് തരൂരിന്റെ ജനനം. (Shashi Tharoor celebrates his 70th birthday today )
താൻ ഒരു മുതിർന്ന പൗരനായി മാറിയെന്നായിരുന്നു ജന്മദിനത്തെക്കുറിച്ച് തരൂരിന്റെ ലളിതമായ പ്രതികരണം. ഒരു സാധാരണ പ്രവൃത്തിദിനമായി ഇതിനെ കാണുന്നുവെന്നും അദ്ദേഹം വ്യക്തമാക്കി. എന്നാൽ, ഇന്ത്യയുടെ ടി20 ലോകകപ്പ് കിരീടനേട്ടം തന്റെ ജന്മദിനത്തിന് ലഭിച്ച ഏറ്റവും മികച്ച സമ്മാനമാണെന്ന് അദ്ദേഹം സന്തോഷം പങ്കുവെച്ചു.
പാലക്കാട് സ്വദേശികളായ ചന്ദ്രൻ തരൂരിന്റെയും ലില്ലി തരൂരിന്റെയും മകനായി ലണ്ടനിലായിരുന്നു ജനനം. ഡൽഹി സെന്റ് സ്റ്റീഫൻസ് കോളേജിൽ നിന്ന് ബിരുദം നേടിയ ശേഷം വിദേശത്ത് ഉപരിപഠനം പൂർത്തിയാക്കി. മൂന്ന് പതിറ്റാണ്ടോളം ഐക്യരാഷ്ട്രസഭയിൽ ഉന്നത ഉദ്യോഗസ്ഥനായി സേവനമനുഷ്ഠിച്ചു. തിരുവനന്തപുരത്ത് നിന്ന് തുടർച്ചയായി മൂന്ന് തവണ ലോക്സഭയിലേക്ക് തിരഞ്ഞെടുക്കപ്പെട്ടു.
