Follow on Google News
തിരുവനന്തപുരം: വേനൽ അവധിക്കാലത്തെ യാത്രക്കാരുടെ തിരക്ക് കണക്കിലെടുത്ത് നാഗർകോവിൽ – ഷാലിമാർ റൂട്ടിൽ എക്സ്പ്രസ് സ്പെഷ്യൽ ട്രെയിനുകൾ (ട്രെയിൻ ഓൺ ഡിമാൻഡ്) സർവീസ് നടത്തുമെന്ന് ദക്ഷിണ റെയിൽവേ അറിയിച്ചു (Nagercoil Shalimar Special Train). ട്രെയിൻ നമ്പർ 06057/06058 നാഗർകോവിൽ – ഷാലിമാർ – നാഗർകോവിൽ സ്പെഷ്യൽ എക്സ്പ്രസുകളാണ് ഏപ്രിൽ 15 മുതൽ 18 വരെയുള്ള തീയതികളിൽ സർവീസ് നടത്തുക.
സർവീസ് വിവരങ്ങൾ
ട്രെയിൻ 06057 (നാഗർകോവിൽ – ഷാലിമാർ): ഏപ്രിൽ 15-ന് പകൽ 11:40-ന് നാഗർകോവിലിൽ നിന്ന് പുറപ്പെടും. ഏപ്രിൽ 18-ന് ഉച്ചയ്ക്ക് 2:30-ന് ഷാലിമാറിൽ എത്തിച്ചേരും.
ട്രെയിൻ 06058 (ഷാലിമാർ – നാഗർകോവിൽ): ഏപ്രിൽ 18 ശനിയാഴ്ച ഉച്ചയ്ക്ക് 2:00-ന് ഷാലിമാറിൽ നിന്ന് യാത്ര തിരിക്കും. ഏപ്രിൽ 21-ന് വൈകിട്ട് 5:30-ന് നാഗർകോവിലിൽ തിരിച്ചെത്തും.
കോച്ചുകളുടെ എണ്ണം
യാത്രക്കാരുടെ സൗകര്യാർത്ഥം വിവിധ ക്ലാസുകളിലായി 21 കോച്ചുകളാണ് ട്രെയിനിലുണ്ടാകുക:
എസി ടു ടയർ: 1
എസി ത്രീ ടയർ: 2
സ്ലീപ്പർ ക്ലാസ്: 10
ജനറൽ സെക്കൻഡ് ക്ലാസ്: 6
സെക്കൻഡ് ക്ലാസ് (ദിവ്യാംഗർക്കുള്ളത് ഉൾപ്പെടെ): 2
പ്രധാന സ്റ്റോപ്പുകൾ
കേരളത്തിലെ പ്രധാന സ്റ്റേഷനുകളിലെല്ലാം ഈ ട്രെയിനിന് സ്റ്റോപ്പുകൾ അനുവദിച്ചിട്ടുണ്ട്: തിരുവനന്തപുരം സെൻട്രൽ, കൊല്ലം, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്.
Story Summary:
To manage the heavy summer rush, Southern Railway is operating special express trains between Nagercoil and Shalimar. The service will run from April 15 to 21, providing relief to long-distance travelers with stops at major stations across Kerala.
