Follow on Google News
കാസർഗോഡ്: മഞ്ചേശ്വരം കുണ്ടുകൊൽക്കെ ബീച്ചിൽ തിരയിൽപ്പെട്ട് കാണാതായ മഞ്ചേശ്വരം ചൗക്കി സ്വദേശി മുഹമ്മദ് സൈനുൽ ആബിദിന്റെ (18) മൃതദേഹം കണ്ടെത്തി (Kasaragod Beach Accident). ചൗക്കി സ്വദേശി ഉമറുൽ ഫാറൂഖിന്റെ മകനാണ് സൈനുൽ ആബിദ്. ഇന്ന് (ഏപ്രിൽ 16) വൈകുന്നേരത്തോടെ മത്സ്യത്തൊഴിലാളികൾ നടത്തിയ തിരച്ചിലിലാണ് മൃതദേഹം കണ്ടെത്താനായത്.
ഇന്നലെ വൈകുന്നേരം കുടുംബാംഗങ്ങൾക്കൊപ്പം ബീച്ചിലെത്തിയതായിരുന്നു സൈനുൽ ആബിദ്. കടലിൽ ഇറങ്ങിയപ്പോൾ ശക്തമായ തിരയിൽപ്പെട്ട് ആബിദ് ഒഴുക്കിൽപ്പെടുകയായിരുന്നു. കൂടെയുണ്ടായിരുന്ന മറ്റ് രണ്ടുപേർ തലനാരിഴയ്ക്ക് രക്ഷപ്പെട്ടിരുന്നു. അപകടം നടന്ന ഉടൻ തന്നെ നാട്ടുകാരും പോലീസും തിരച്ചിൽ ആരംഭിച്ചിരുന്നെങ്കിലും കണ്ടെത്താനായില്ല. തുടർന്ന് ഇന്ന് നടത്തിയ വിപുലമായ തിരച്ചിലിലാണ് മൃതദേഹം ലഭിച്ചത്.
മൃതദേഹം ഇൻക്വസ്റ്റ് നടപടികൾക്കായി ആശുപത്രിയിലേക്ക് മാറ്റി. വിനോദസഞ്ചാര കേന്ദ്രങ്ങളിൽ എത്തുന്നവർ കടലിലെ അപകടസാധ്യതകൾ മുൻകൂട്ടി കണ്ട് ജാഗ്രത പാലിക്കണമെന്ന് അധികൃതർ നിർദ്ദേശിച്ചു.
Story Summary: The body of 18-year-old Muhammad Zainul Abid, who went missing after being swept away by waves at Manjeshwar Kundukolke Beach, has been recovered. He was visiting the beach with his family when the incident occurred yesterday.
