ആലപ്പുഴ: ഭാര്യയുടെ മൊബൈൽ ഫോണിലേക്ക് സന്ദേശമയച്ചതിനെച്ചൊല്ലിയുണ്ടായ തർക്കത്തെത്തുടർന്ന് യുവാവിനെ അയൽവാസി ചുറ്റികകൊണ്ട് ക്രൂരമായി മർദ്ദിച്ചു. ആലപ്പുഴ കൊമ്മാടി മംഗലം റോഡിന് സമീപമാണ് സംഭവം നടന്നത്. ചക്കുപറമ്പ് സ്വദേശി ഷിബിൻ രാജിനാണ് ഗുരുതരമായി പരിക്കേറ്റത്. ആക്രമണത്തിന് ശേഷം ഒളിവിൽ പോയ പ്രതി ജിബിൻ ജോൺസണായി പോലീസ് തിരച്ചിൽ ഊർജ്ജിതമാക്കി.(Man got hit on the head with a hammer, search for suspect underway)
പ്രതിയായ ജിബിൻ ജോൺസന്റെ ഭാര്യയുടെ ഫോണിലേക്ക് ഷിബിൻ രാജ് ഒരു സന്ദേശം അയച്ചിരുന്നു. ഇതിനെച്ചൊല്ലി ഇരുവരും തമ്മിൽ നേരത്തെ തർക്കമുണ്ടായിരുന്നു. തർക്കം രൂക്ഷമായതിനെത്തുടർന്ന് ജിബിൻ കൈവശമുണ്ടായിരുന്ന ചുറ്റിക ഉപയോഗിച്ച് ഷിബിന്റെ തലയ്ക്ക് അടിക്കുകയായിരുന്നു. തലയോട്ടിക്ക് ഗുരുതരമായി പരിക്കേറ്റ ഷിബിന്റെ നില അതീവ സങ്കീർണ്ണമായി തുടരുകയാണ്.
മർദ്ദനമേറ്റ ഷിബിൻ രാജിന്റെ ഭാര്യ നൽകിയ പരാതിയുടെ അടിസ്ഥാനത്തിൽ ആലപ്പുഴ നോർത്ത് പോലീസ് കേസെടുത്തു. പ്രതിയായ ജിബിൻ ജോൺസൺ നിലവിൽ ഒളിവിലാണ്.
