കൊല്ലം: കൊല്ലത്ത് ശ്വാസകോശത്തിൽ മുലപ്പാൽ കയറി മൂന്ന് മാസം മാത്രം പ്രായമുള്ള ആൺകുഞ്ഞ് മരിച്ചു (Baby Dies Milk Aspiration Kollam). പനയം തെക്കേവീട്ടിൽമുക്ക് സ്വദേശി പ്രിയയുടെ മകൻ പ്രയാഗ് ആണ് മരിച്ചത്. പുലർച്ചെ മുലപ്പാൽ നൽകിയ ശേഷം ഉറക്കാൻ കിടത്തിയ കുഞ്ഞാണ് ദാരുണമായി മരണപ്പെട്ടത്.
കഴിഞ്ഞ ദിവസം പുലർച്ചെ മൂന്ന് മണിയോടെ കുഞ്ഞിന് പ്രിയ മുലപ്പാൽ നൽകിയിരുന്നു. തുടർന്ന് അമ്മയ്ക്ക് അരികെ തന്നെയായിരുന്നു കുഞ്ഞിനെ കിടത്തിയിരുന്നത്. എന്നാൽ നാല് മണിയോടെ നോക്കിയപ്പോഴാണ് കുഞ്ഞിന്റെ മൂക്കിൽ നിന്നും വായയിൽ നിന്നും പത വന്ന നിലയിൽ കണ്ടെത്തുകയായിരുന്നു. ഉടൻ തന്നെ ബന്ധുക്കൾ ചേർന്ന് കുഞ്ഞിനെ അടുത്തുള്ള ആശുപത്രിയിൽ എത്തിച്ചെങ്കിലും അതിനോടകം തന്നെ മരണം സംഭവിച്ചിരുന്നു.
തുടർന്ന് നടത്തിയ മെഡിക്കൽ പരിശോധനയിലാണ് ശ്വാസകോശത്തിൽ പാൽ കെട്ടിക്കിടന്നതാണ് മരണത്തിന് കാരണമായതെന്ന് (Aspiration of milk) വ്യക്തമായത്. ഉറക്കത്തിനിടയിൽ പാൽ തികട്ടി വന്ന് ശ്വാസനാളിയിൽ കുടുങ്ങിയതാകാം അപകടത്തിന് കാരണമെന്നാണ് നിഗമനം. കുഞ്ഞുങ്ങൾക്ക് പാൽ നൽകുമ്പോൾ പാലിക്കേണ്ട ജാഗ്രതയെക്കുറിച്ച് ഡോക്ടർമാർ പലപ്പോഴും മുന്നറിയിപ്പ് നൽകാറുണ്ടെങ്കിലും ഇത്തരം അപകടങ്ങൾ ആവർത്തിക്കുന്നത് അമ്മമാരിലും കുടുംബങ്ങളിലും വലിയ ആശങ്കയാണുണ്ടാക്കുന്നത്.
Story Summary: A three-month-old baby boy, Prayag, tragically died in Kollam after breast milk entered his lungs. The infant was found with froth coming from his nose and mouth an hour after being breastfed and laid down to sleep beside his mother.
