കോഴിക്കോട്: വെൽഫെയർ പാർട്ടി യുഡിഎഫിന് പിന്തുണ നൽകുന്നതിൽ പ്രതികരിച്ച് പി.കെ. ഫിറോസ്. ജമാഅത്തെ ഇസ്ലാമിക്ക് മതരാഷ്ട്രം സ്ഥാപിക്കാൻ സാധിക്കില്ലെന്ന് അദ്ദേഹം പറഞ്ഞു.(Jamaat-e-Islami is not like SDPI, says PK Firos)
വെൽഫെയർ പാർട്ടി എത്രയോ കാലം എൽഡിഎഫിനെ പിന്തുണച്ചവരാണ്. കേരളത്തിൽ ഭരണമാറ്റം ഉണ്ടാകുമെന്ന് ഉറപ്പായതോടെയാണ് അവർ യുഡിഎഫിനൊപ്പം നിൽക്കാൻ തീരുമാനിച്ചത്. എസ് ഡി പി ഐ പോലെയല്ല ജമാഅത്തെ ഇസ്ലാമി എന്നും അദ്ദേഹം കൂട്ടിച്ചേർത്തു.
എസ്ഡിപിഐ നിരവധി അക്രമാസക്തമായ രാഷ്ട്രീയ കൊലപാതകങ്ങളിലും സംഘർഷങ്ങളിലും ഉൾപ്പെട്ട സംഘടനയാണ്. അവരുമായി ഒരു സഖ്യവും സാധ്യമല്ല. എന്നാൽ വെൽഫെയർ പാർട്ടിയെ അത്തരത്തിൽ കാണാൻ കഴിയില്ല എന്നും പി കെ ഫിറോസ് ചൂണ്ടിക്കാട്ടി.
