കോഴിക്കോട്:എഴുത്തുകാരൻ വി.ആർ. സുധീഷ് ഫയൽ ചെയ്ത മാനനഷ്ടക്കേസിൽ എം.എ. ഷഹനാസ് കോടതിയിൽ ഹാജരായി. കോഴിക്കോട് ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് കോടതി (4) മുമ്പാകെയാണ് ഇന്നു രാവിലെ ഇവർ ഹാജരായത്.(Defamation case, MA Shahanas appears in court)
കേസിൽ നേരത്തെ കോടതി ഷഹനാസിനെതിരെ അറസ്റ്റ് വാറണ്ട് പുറപ്പെടുവിച്ചിരുന്നു. വിചാരണ വേളയിൽ ഹാജരാകാത്തതിനെത്തുടർന്നാണ് കോടതി വാറണ്ട് ഉത്തരവിട്ടത്. ഇതിനു പിന്നാലെയാണ് ഷഹനാസ് കോടതിയിലെത്തിയത്.
വി.ആർ. സുധീഷിനെതിരെ അപകീർത്തികരമായ പരാമർശങ്ങൾ നടത്തിയെന്ന് ആരോപിച്ചാണ് അദ്ദേഹം കോടതിയെ സമീപിച്ചത്. സാമൂഹിക മാധ്യമങ്ങളിലൂടെയും മറ്റും നടത്തിയ പ്രസ്താവനകൾ വ്യക്തിഹത്യയ്ക്കും മാനനഷ്ടത്തിനും കാരണമായെന്ന് ഹർജിയിൽ ചൂണ്ടിക്കാട്ടിയിരുന്നു.
