തിരുവനന്തപുരം: ഇന്ത്യൻ ചരിത്രത്തിലോ സനാതന പരമ്പരയിലോ ജാതി എന്നൊന്ന് ഉണ്ടായിരുന്നില്ലെന്നും ഭിന്നിപ്പിച്ചു ഭരിക്കാനായി ബ്രിട്ടീഷുകാരാണ് ജാതി വ്യവസ്ഥ കൊണ്ടുവന്നതെന്നും ഗവർണർ രാജേന്ദ്ര വിശ്വനാഥ് അർലേക്കർ. സമൂഹത്തിൽ ഇന്നും ജാതിവിവേചനം നിലനിൽക്കുന്നുവെന്നത് ദൗർഭാഗ്യകരമാണെന്നും അദ്ദേഹം പറഞ്ഞു.(Caste system should be abolished, Governor)
ഭിന്നിപ്പിച്ചു ഭരിക്കുക എന്ന ലക്ഷ്യത്തോടെയാണ് ബ്രിട്ടീഷുകാർ ജാതി വ്യവസ്ഥ നടപ്പിലാക്കിയത്. ആദ്യ സെൻസസിൽ ജാതി ഉപയോഗിച്ച് ആളുകളെ വേർതിരിച്ചതോടെയാണ് സമൂഹത്തിൽ വിള്ളലുകൾ വീണു തുടങ്ങിയത്. പ്രാചീന ഇന്ത്യയിൽ ജോലിയുടെ അടിസ്ഥാനത്തിലാണ് ‘വർണ്ണം’ നിലനിന്നിരുന്നത്. അവിടെ ഉയർന്നതെന്നോ താഴ്ന്നതെന്നോ ഉള്ള വിവേചനം ഉണ്ടായിരുന്നില്ല. എന്നാൽ ഇന്ന് ആളുകൾ സ്വന്തം ജാതി പറഞ്ഞ് അഭിമാനിക്കുന്ന അവസ്ഥയാണുള്ളത്.
ഹിന്ദു എന്നത് ഉയർന്ന ജാതിയാണ്. ജാതിക്കതീതമായി ഒന്നിക്കാനും ജാതി വ്യവസ്ഥ പൂർണ്ണമായും ഇല്ലാതാക്കാനും നാം തയ്യാറാകണം. രാജ്യത്തെയും സമൂഹത്തെയും തകർക്കാൻ ചില ശക്തികൾ ശ്രമിക്കുന്നുണ്ട്. മുൻകാലങ്ങളിൽ മിഷനറിമാർ നിരവധി ക്ഷേത്രങ്ങൾ തകർത്തിട്ടുണ്ട്. സനാതന പരമ്പരയെ സംരക്ഷിക്കാൻ എല്ലാവരും മുന്നിട്ടിറങ്ങണം. സമൂഹത്തിൽ ജാതിയുടെ പേരിലുള്ള വേർതിരിവ് ഇന്നും ശക്തമായി നിലനിൽക്കുന്നുണ്ടെന്നും, ഇത് ഇല്ലാതാക്കിയാൽ മാത്രമേ യഥാർത്ഥ സാമൂഹിക പുരോഗതി സാധ്യമാകൂ എന്നും അദ്ദേഹം കൂട്ടിച്ചേർത്തു.
