കാസർഗോഡ്: റോഡിൽ കെഎസ്ആർടിസി ബസിന് മുന്നിൽ കാർ ഓടിച്ച് മാർഗ്ഗതടസ്സം സൃഷ്ടിച്ച കാർ യാത്രക്കാരനെതിരെ പരാതി. ഞായറാഴ്ച വൈകിട്ട് കാസർഗോഡ് നിന്ന് കോട്ടയത്തേക്ക് പുറപ്പെട്ട സ്വിഫ്റ്റ് സൂപ്പർഫാസ്റ്റ് ബസിനാണ് നീലേശ്വരത്തിന് സമീപം ദുരനുഭവമുണ്ടായത്.(Car refuses to let KSRTC bus pass by, complaint)
ബസ് കാറിനെ ഓവർടേക്ക് ചെയ്തതാണ് കാർ യാത്രക്കാരനെ പ്രകോപിപ്പിച്ചത്. തുടർന്ന് തടസ്സം സൃഷ്ടിക്കുകയായിരുന്നു. അഞ്ച് കിലോമീറ്ററോളം ദൂരം ഇത്തരത്തിൽ അപകടകരമായ രീതിയിൽ കാർ ഓടിച്ച് തടസം സൃഷ്ടിച്ചു. ബസ് ജീവനക്കാർ നീലേശ്വരം പോലീസിൽ പരാതി നൽകി.
