കൊച്ചി: ബൈക്ക് മെട്രോ തൂണിലിടിച്ചുണ്ടായ അപകടത്തിൽ യുവാവിന് ദാരുണാന്ത്യം. മലപ്പുറം സ്വദേശി മുഹമ്മദ് മുസ്തഫ(25)യാണ് മരിച്ചത്. കളമശ്ശേരി ദേശീയപാതയിൽ പുലർച്ചെ രണ്ടേമുക്കാൽ മണിയോടെയായിരുന്നു അപകടം.(Bike accident in Kalamassery, Youth dies tragically)
എറണാകുളം ഭാഗത്ത് നിന്നും ആലുവയിലേക്ക് പോവുകയായിരുന്നു മുസ്തഫ സഞ്ചരിച്ചിരുന്ന ബൈക്ക്. കളമശ്ശേരിയിലെ മെട്രോ പില്ലർ നമ്പർ 293-ലേക്കാണ് ബൈക്ക് നിയന്ത്രണം നഷ്ടപ്പെട്ട് ഇടിച്ച് കയറിയത്.
അപകടം നടന്ന ഉടൻ തന്നെ ഇദ്ദേഹത്തെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കാക്കനാട് പടമുഗളിൽ താമസിച്ചിരുന്ന മുസ്തഫ ഒരു ഐടി കമ്പനിയിലെ ജീവനക്കാരനാണ്.
