തിരുവനന്തപുരം: സംസ്ഥാന നിയമസഭാ തെരഞ്ഞെടുപ്പിന് മുന്നോടിയായുള്ള പുതുക്കിയ അന്തിമ വോട്ടർപട്ടിക ഈ മാസം 21-ന് പ്രസിദ്ധീകരിക്കും. വോട്ടർപട്ടിക സമഗ്രമായി പരിഷ്കരിക്കുന്നതിന്റെ ഭാഗമായുള്ള ഹിയറിങ് നടപടികൾ സംസ്ഥാനത്തെ 62 നിയമസഭാ മണ്ഡലങ്ങളിൽ പൂർത്തിയായി വരുന്നതായി മുഖ്യ തെരഞ്ഞെടുപ്പ് ഓഫീസർ രത്തൻ യു. ഖേൽക്കർ അറിയിച്ചു.(Assembly elections, Final voter list to be released on the 21st of this month)
ഡിസംബർ 23-ന് ആരംഭിച്ച ഹിയറിങ് നടപടികൾ ഈ മാസം 14-ന് പൂർത്തിയാകും. അർഹതയുള്ള ഒരാൾ പോലും പട്ടികയിൽ നിന്ന് പുറത്താകില്ലെന്ന് ഉറപ്പുവരുത്താൻ ഉദ്യോഗസ്ഥർക്ക് കർശന നിർദ്ദേശം നൽകിയിട്ടുണ്ട്.
ഹിയറിങ് വേഗത്തിൽ പൂർത്തിയാക്കുന്നതിൽ തിരുവനന്തപുരം, എറണാകുളം ജില്ലകളാണ് മുന്നിൽ നിൽക്കുന്നത്.തിരുവനന്തപുരം: 14 മണ്ഡലങ്ങൾ , എറണാകുളം: 14 മണ്ഡലങ്ങൾ, പാലക്കാട്: 10 മണ്ഡലങ്ങൾ, ആലപ്പുഴ: 9 മണ്ഡലങ്ങൾ എന്നിങ്ങനെയാണ് നില.
